起诉书（自然人犯罪案件适用）(公开版)

كوكتوعاي اۋداندىق حالىق پروكۋراتۋراسىنىڭ

ايىپتاۋى

                                        ك ا پ ا ق ا ( 2020 )19– ءنومىرلى 

جاۋاپكەر تىلەك قۇرمەت ۇلى، 1996–جىلى **–ايدىڭ **–كۇنى تۋىلعان، ازاماتتىق كۋالىك ءنومىرى ********6543221996، قازاق، باستاۋىش مەكتەپ ماعۇلماتتى، كاسىپسىز، مەكەنى التاي ايماعى كوكتوعاي اۋدانى، قازىر كوكتوعاي اۋدانى ** اۋىلدىعى ** قىستاعى **-ءنومىرلى ۇيدە تۇرادى. 2017-جىلدان 2019-جىلعا دەيىن، ۇرلىق قاتارلى زاڭعا قايشى ارەكەت وتكىزگەندىگى ءۇشىن، كوكتوعاي اۋداندىق قوعام حاۋىپسىزدىك مەكەمەسى جاعىنان ءتورت رەت اكىمشىلىك جازاعا تارتىلعان. ءورت قويۋ قىلمىس كۇمانىمەن، 2019-جىلى 12-ايدىڭ 1-كۇنى كوكتوعاي اۋداندىق قوعام حاۋىپسىزدىك مەكەمەسى جاعىنان سوتتاعانعا دەيىن كەپىلگە بەرىلگەن، ۇرلىق قىلمىس كۇمانىمەن، 2020-جىلى 1-ايدىڭ 3-كۇنى كوكتوعاي اۋداندىق قوعام حاۋىپسىزدىك مەكەمەسى جاعىنان قىلمىستى ىستەر بويىنشا توقتاتىلعان، 2020-جىلى 1-ايدىڭ 16-كۇنى مەكەمەمىزدىڭ بەكىتۋىمەن، سول كۇنى كوكتوعاي اۋداندىق قوعام حاۋىپسزدىك مەكەمەسى قولعا الۋدى اتقارعان، قازىر كوكتوعاي اۋداندىق قاماقحانادا قاماقتا.

بۇل دەلونى كوكتوعاي اۋداندىق قوعام حاۋىپسىزدىك مەكەمەسى بارلاۋىن اقىرلاستىرىپ، جاۋاپكەر تىلەكتى ءورت قويۋ قىلمىس كۇمانىمەن، 2020–جىلى 3–ايدىڭ 16–كۇنى مەكەمەمىزدىڭ تەكسەرىپ ايىپتاۋىنا ۇسىنعان. مەكەمەمىز قابىلداعاننان كەيىن، 2020-جىلى 3–ايدىڭ 18-كۇنى جاۋاپكەرگە اقتاۋشى الۋعا ۇقىقتى ەكەندىگىن جانە قىلمىسىن تانىپ جازاسىنا مويىنسال بولۋدىڭ زاڭدىق  زاردابىن ۇقتىردىق، سول كۇنى زياندالۋشىلارعا زاڭداعى ارىز-شاعىم ۇقىقتارىن ۇقتىردىق، زاڭ بويىنشا جاۋاپكەردى تەرگەپ، زياندالۋشىلاردىڭ پىكىرىن تىڭداپ، دەلونىڭ بارلىق ماتەريالىن تەكسەردىك. 

زاڭ بويىنشا تەكسەرىپ انىقتاۋىمىزدا :

ءورت قويۋ قىلمىس فاكتى: 2019–جىلى 11–ايدىڭ 29–كۇنى تاڭعى ساعات 04:00 مولشەرىندە، جاۋاپكەر تىلەك قۇرمەت ۇلى كوكتوعاي اۋدانى ** قالاشىعى ** تۇرعىندار رايونى **-بينا **-ەسىك **-جەر استى بولمەسىندە شا**، مۇ** ۇشەۋى بىرگە اراق ءىشۋ بارىسندا، جاۋاپكەر تىلەك بولىمسىز ىسكە بولا شا**پەن سوزگە كەلىسكەن سوڭ، وسى بولمەدەگى جاعۋلى تۇرعان ماي شامدى كورپەگە قاراي تەۋىپ جىققان ءارى قالتاسىنداعى شاقپاقپەن جانە ءبىر بالاۋىز شامدى جاعىپ، قاسىنداعى كورپەنى شەتىنەن تامىزىپ، بالاۋىز شامدى كورپەنىڭ ورتاسىنا قاراي لاقتىرىپ ءورت قويعان. 

ساراپتاۋ ارقىلى، ورتەنگەن زاتتاردىڭ قۇنى 820 يۋان.

ۇرلىق قىلمىس فاكىتى: 2020-جىلى 1-ايدىڭ 2-كۇنى 21:00 ساعات  مولشەرىندە، جاۋاپكەر تىلەك قۇرمەت ۇلى كوكتوعاي اۋداندىق **  قارسىنداعى ” ** اسحاناسى“ نا بارىپ، زياندالۋشى سى**ىڭ ”حۋاۋي“ ماركالى ءبىر دانا قول تەلەفونىن ۇرلاعان. 

ساراپتاۋ ارقىلى، ۇرلانعان تەلەفوننىڭ باعاسى 4330 يۋان.

جوعارداعى فاكتتەردى تۇراقتاندىرۋداعى دالەل-ىسپاتتار :

1. جازباىسپات، قابىلدانعان قىلمىستى ىستەر دەلوسىن تىزىمدەۋ كەستەسى، دەلوعا الىنۋ احۋالىنا تۇسىنىك، نوپوس انىقتاماسى، ۇستاپ قالۋ قارارى، ءتىزىمدىگى جانە ءراسىمى، تەلەفون ساتىپ الۋ تالون قاعازىنىڭ اۋەلگى نۇسقاسى، قايتارىلعان زاتتىق بۇيىم جانە حۇجاتتار ءتىزىمدىگى، قابىلدانعان دالەل-ىسپاتتار ءتىزىمدىگى، اكىمشىلىك جازا قارارى؛ 2.زياندالۋشى نۇ**، سى**دىڭ بايانى؛ 3.ايعاق شى**، شا**، مۇ**تىڭ كۋالىك ءسوزى؛ 4. جاۋاپكەر تىلەكتىڭ مويىنداۋى جانە ءوزىن اقتاۋى؛ 5. كوكتوعاي اۋدانى باعا ساراپتاۋ ورتالىعىنىڭ باعا ساراپتاۋ پىكىرى؛ 6.ناق مايدان تەكسەرۋ، انىقتاۋ ەستەلىگى جانە ءراسىمى، تانىتۋ ەستەلىگى جانە ءراسىمى؛ 7.دىبىس – كەسكىن ماتەريالى.  

جوعارداعى دالەل – ىسپاتتاردىڭ كەلۋ قاينارى مەن دالەل-ىسپاتتاردى جيناۋ ءتارتىبى زاڭدى، دالەل-ىسپاتتاردىڭ مازمۇنى وبيەكتيۆ شىندىق، بۇل دەلونىڭ فاكتىن تولىق تۇراقتاندىرىپ بەرە الادى، جاۋاپكەر ايىپتالعان قىلمىس فاكتى مەن دالەل – ىسپاتتارعا بوگدە پىكىرى جوق، وزدىگىنەن قىلمسىن تانىپ جازاسىنا مويىنسال بولعان.   

مەكەمەمىز بىلاي دەپ قارايدى: جاۋاپكەر تىلەك قۇرمەت ۇلىنىڭ  قاساقانا ءورت قويىپ، الەۋمەتتىك حاۋىپسىزدىككە زيان جەتىكىزۋ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى»نىڭ 114-تارماق بەلگىلەمەسىنە قيعاشتىق جاساپ، ءورت قويۋ قىلمىسىن قالىپتاستىرعان؛ جاۋاپكەر تىلەك قۇرمەت ۇلىنىڭ زاڭسىز يەمدەنۋ ماقساتىندا، جەكەلەردىڭ ءبىرشاما كوپ قۇنعا يە مال-مۇلكىن ۇرلاۋ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى»نىڭ 264-تارماق بەلگىلەمەسىنە قيعاشتىق جاساپ، ۇرلىق قىلمىسىن قالىپتاستىرعان، قىلمىس فاكتى ايقىن، دالەل - ىسپاتتارى شىن جانە تولىق، ءورت قويۋ جانە ۇرلىق قىلمىسىمەن جاۋاپكەردىڭ قىلمىستى ىستەر جاۋاپكەرشىلىگى قۋزاستىرىلۋعا ءتيستى. جاۋاپكەر تىلەك ۇكىم جاريالاۋدان بۇرىن ءوزى بىرنەشە قىلمىس وتكىزگەن، « جۇڭحۋا حالىق رەسپۋبليكاسى قىلمستى ىستەر زاڭى»نىڭ 69-تارماق بەلگىلەمەسىنە ساي قىلمىستارىن قوسىپ جازالاۋعا ءتيىستى؛ جاۋاپكەر قىلمسىن تانىپ جازاسىنا مويىنسال بولعان، « جۇڭحۋا حالىق رەسپۋبليكاسى قىلمستى ىستەر ارىز–شاعىم زاڭى»نىڭ 15-تارماق بەلگىلەمەسىنە ساي، زاڭ بويىنشا كەڭشىلىكپەن ءبىر جايلى ەتۋگە بولادى. سوندىقتان «جۇڭحۋا حالىق رەسپۋبليكاسى قىلمستى ىستەر ارىز–شاعىم زاڭى»نىڭ 176-تارماق بەلگىلەمەسىنە ساي، زاڭ بويىنشا جازالانۋى ءۇشىن الەۋمەتتىك ايىپتالدى.

قۇرمەتپەن:

كوكتوعاي اۋداندىق حالىق سوت مەكەمەسىنە 

                                 پروكۋرور: قايدار

                        2020- جىلى 4- ايدىڭ 15- كۇنى

قوسىمشا:

1. جاۋاپكەر تىلەك قۇرمەت ۇلى قازىر كوكتوعاي اۋداندىق قاماقحانادا قاماقتا؛ 

2. دەلو ماتەريالى جانە دالەل-ىسپاتتارى ەكى تۇپتەم؛

3. قىلمسىن تانىپ جازاسىنا مويىنسال بولۋ حاتى؛ 

4. جازا ولشەۋ ۇسىنسى ءبىر دانا؛

5. ايعاقتار تىزىمدىگى ءبىر دانا؛

6. قاتىستى زاڭ تارماقتارى:

        «جۇڭحۋا حالىق رەسپۋبىليكاسىنىڭ قىلمستى ىستەر زاڭى»

114– تارماق  ءورت قويۋ، سۋ قاپتاتۋ، قوپارۋ، ۋ تاستاۋ جولىمەن نەمەسە باسقادا حاۋىپتى ءتاسىلدەرمەن الەۋمەتتىك اماندىققا زالال جەتكىزگەنىمەن، اۋىر زارداپ تۋدىرا قويماعانداراعا 3 جىلدان جوعارى، 10 جىلدان تومەن مەرزىمدى قاماق جازاسى كەسىلەدى.  

264-تارماق جالپىنىڭ،جەكەنىڭ مال-مۇلكىن ۇرلاپ،سوماسىءبىر شاما كوپ بولسا، نەمەسە كوپ رەت،تۇرار جايعا تۇسىپ ۇرلىق ىستەسە،قولىنا جەندەتتىك قارۋ ۇستاپ ۇرلىق ىستەسە،جالگۇرلىك ىستەسە 3 جىلدان تومەن مەرزىمدى قاماق جازاسى نەمەسە باقىلاۋعا الۋ جازاسى كەسىلەدى،وعان قوسا نەمەسە ايىرىم ايىپ سالىنادى . سوماسى كوپ بولسا نەمەسە باسقالاي اۋىر جاعداي بولسا، 3 جىلدان جوعارى 10 جىلدان تومەن مەرزىمدى قاماق جازاسى بەرىلەدى ءارى وعان قوسا ايىپ سالىنادى .

«جۇڭحۋا حالىق رەسپۋبىليكاسىنىڭ قىلمستى ىستەر ارىز-شاعىم زاڭى»

15-تارماق  قىلمىس كۇماندىسى، جاۋاپكەر ءوز ەركىمەن شىنايى ءوزىنىڭ قىلمىسىن تاپسىرىپ، تۇراقتاندىرعان قىلمىس فاكتىن مويىنداپ، جازالاۋعا ريزا بولسا، زاڭ بويىنشا كەڭشىلىكپەن ءبىر جايلى ەتۋگە بولادى.

176–تارماق  حالىق پروكۋراتۋراسى قىلمىس وتكىزگەندىگى جونىندە كۇمان بولعانداردىڭ قىلمىس فاكتى تەكسەرىلىپ انىقتالىپ، دالەل- ىسپاتتارى شىن، تولىق بولىپ ، زاڭ بويىنشا قىلمستى ىستەر جاۋاپكەرشلىگىن قۋزاۋ كەرەك دەپ ەسەپتەگەندە،ايىپتاۋ جونىندە شەشىم جاساپ،سوت قاراماعى جونىندەگى بەلگىلەمەلەرگە ساي حالىق سوت مەكەمەسىنە الەۋمەتتىك ايىپتاۋ جۇرگىزەدى، ءارى دەلو ماتەريالىن ، دالەل-ىسپاتىن حالىق سوت مەكەمەسىنە جوتكەۋى كەرەك . 

جاۋاپكەر قىلمسىن تانىپ جازاسىنا مويىنسال بولسا، حالىق پروكۋراتۋراسى باستى جازا، قوسىمشا جازا ، جازاسىن كەشىكتىرىپ اتقارۋى قاتارلى جازا ولشەۋ ۇسنسىن ورتاعا قويىپءارى قىلمسىن تانىپ جازاسىنا مويىنسال بولۋ كەپىلدىك حاتى قاتارلى دالەل – ىسپات ماتەريالدارىن دەلومەن بىرگە جوتكەۋى كەرەك.