起诉书（叶某某盗窃案）(公开版)

شينجياڭ ۇيعۇر اۆتونوميالى رايونى ساۋان اۋداندىق حالىق پروكۋراتۋراسىنىڭ

ايىپتاۋناماسى

                   ساۋان اۋداندىق پروكۋراتۋرا ق س ا〔2020〕44-ءنومىر

جاۋاپكەر **، ەر، قازاق، ****-جىلى **-ايدىڭ **-كۇنى شينجياڭ ساۋان اۋدانىندا تۋىلعان، ازاماتتىق كۋالىك ءنومىرى: 4018********654223، باستاۋىش مەكتەپ ماعۇلماتىنا يە، نوپوس قاراستى ورنى: شينجياڭ ساۋان اۋدانى ** اۋىلى ** قىستاعى **-كوشە **-ءنومىر، قازىرگى وتىراقتى ورنى: نوپوس تۇرعان ورنىمەن ۇقساس، ديقان. 2009-جىلى 10-ايدىڭ 26-كۇنى ۇرلىق قىلمىسىمەن ساۋان اۋداندىق حالىق سوت مەكەمەسى جاعىنان ءۇش جىلدىق مەرزىمدى قاماق جازاسى بەرىلىپ، ءتورت جىل كەشىكتىرىپ اتقارۋ جازاسىنا ۇكىم ەتىلىپ، قوسىمشا 10000 يۋان ايىپ سالىنعان؛ 2013-جىلى 10-ايدىڭ 1-كۇنى باسقالاردىڭ اۆتوكولىگىن ۇرلاپ ايداعاندىعى سەبەپتى ساۋان اۋداندىق قوعام حاۋىپسىزدىك مەكەمەسى جاعىنان اكىمشىلىك جاقتان 10 كۇن توقتاتىلىپ، قوسىمشا 500 يۋان ايىپ سالىنعان؛ 2017-جىلى 2-ايدىڭ 8-كۇنى ارام ولجانى جاسىرىپ جوتكەۋ، ۋاكىلدىك رەتىندە ساتۋ سەبەپتى ساۋان اۋداندىق قوعام حاۋىپسىزدىك مەكەمەسى جاعىنان اكىمشىلىك جاقتان 10 كۇن قاماي تۇرۋ جازاسى بەرىلگەن. 2020-جىلى 7-ايدىڭ 16-كۇنى ۇرلىق قىلمىس كۇمانىمەن ساۋان اۋداندىق قوعام حاۋىپسىزدىك مەكەمەسى جاعىنان تۇرار-جايى باقىلاۋعا الىنعان.

ساۋان اۋداندىق قوعام حاۋىپسىزدىك مەكەمەسى جاۋاپكەر **نىڭ ۇرلىق قىلمىس دەلوسىن بارلاۋىن اقىرلاستىرىپ، 2020-جىلى 10-ايدىڭ 12-كۇنى مەكەمەمىزدىڭ تەكسەرىپ ايىپتاۋىنا جولداعان. مەكەمەمىز دەلونى قابىلداعاننان كەيىن، سول كۇنى جاۋاپكەر **نا زاڭ بويىنشا يگىلىكتەنەتىن ارىز-شاعىم ۇقىعىن، ءارى قىلمىسىن تانىپ جازاعا مويىنسال بولۋ جٶنىندەگى كەلتىرەتىن مۇمكىنشىلىگى بولعان زاڭدىق زاردابىن ۇقتىردىق، زاڭ بويىنشا جاۋاپكەردى سۇراق قىلىپ، جاۋاپكەرمەن كەزەكشى ادۋۆاكاتتىڭ پىكىرىن تىڭداپ، دەلو ماتەريالىن جالپى بەتتىك كورىپ شىعىپ، دەلونىڭ فاكىتىمەن دالەل-سپاتىن انىقتاپ شىقتىق. جاۋاپكەر ** دەلونى جاي تارتىپپەن قاراۋعا قوسىلدى.

زاڭ بويىنشا تومەندەگىدەي قىلمىس فاكىتى انىقتالدى:

2020-جىلى 6-ايدىڭ 25-كۇنى 23 مولشەرىندە، جاۋاپكەر ** جاياۋ ساۋان اۋدانى كونە بازاردىڭ ارتقى قاقپاسىنا بارىپ زياندالۋشى **نىڭ توقتاتىپ قويعان اق رەڭدى جۇك ماشيناسىنىڭ تەرەزەسىنىڭ جابىلماعانىن بايقاپ، قولىن ماشينانىڭ تەرەزەسىنەن كىرگىزىپ ماشينانىڭ ەسىگىن اشىپ، ماشينانىڭ ىشىندەگى 2500 يۋان ناق اقشا جانە 4 قوراپ شياۋ شۇڭ ماۋ ماركالى تەمەكىنى ۇرلاپ ناق مايداننان قاشىپ كەتكەن.

ساۋان اۋداندىق باعا ساراپتاۋ ورتالىعى باعا تۇراقتاندىرۋ ارقىلى، ءتورت قوراپ شياۋ شيۇڭ ماۋ ماركالى تەمەكىنى 2020-جىلى 6-ايدا ۇرلانعانداعى بازارداعى بولشەك ساتۋ باعاسى بويىنشا 1000 يۋانعا باعالاعان.

جٶعارداعى قىلمىس فاكتىن: جازباشا سپاتتار؛ زياندالۋشى **نىڭ بايانى؛ جاۋاپكەر **نىڭ مويىنداۋى؛ ساۋان اۋداندىق باعا ساراپتاۋ ورتالىعىنىڭ باعا تۇراقتاندىرۋ پىكىرى؛ ناق مايدان تەكسەرۋ قىزمەت ەستەلىگى، قاريتاسى جانە ناق مايدان راسىمدەرى، ناق مايدان انىقتاۋ ەستەلىگى جانە راسىمى؛ دىبىس-كەسكىن ماتەريالى قاتارلى دالەل-سپاتتارمەن تۇراقتاندىرۋعا بولادى. 

جوعارداعى دالەل-سپاتتار زاڭدى تۇردە الىنعان، مازمۇنى وبيەكتيۆ شىندىق، ايىپتاعان قىلمىس فاكىتىن ابدەن تۇراقتاندىرۋعا بولادى. جاۋاپكەر ** ايىپتاعان قىلمىس فاكىتىمەن دالەل-سپاتقا قاراتا پىكىرى جٶق، ءارى ەرىكتى تۇردە قىلمىسىن تانىپ جازاعا مويىنسال بولدى.

مەكەمەمىز مىناداي دەپ قارايدى: جاۋاپكەر ** زاڭسىز يەمدەنىپ الۋ ماقساتىندا، جاسىرىن تۇردە باسقالاردىڭ مال-مۇلىكىن ۇرلاعان، ۇرلاعان مال-مۇلىكىنىڭ قۇنى 3500 يۋان، سوماسى ءبىرشاما جوعارى، جاۋاپكەر **نىڭ بۇل ارەكەتى «جۇڭحۋا حالىق رەسپۋبليكاسى قىلمىستىق ىستەر زاڭى» نىڭ 264-تارماعىنا قايشىلىق جاساعان. دەلونىڭ فاكىتى انىق، دالەل-سپاتى تولىق. ۇرلىق قىلمىسىمەن جاۋاپكەر **نىڭ قىلمستىق ستەر جاۋاپكەرشىلىگىن قۋزاستىرۋ كەرەك. جاۋاپكەر ** قىلمىس تانىپ جازاعا مويىنسال بولدى. «جۇڭحۋا حالىق رەسپۋبليكاسى قىلمىستىق ىستەر ارىز-شاعىم زاڭى» نىڭ 15-تارماق بەلگىلەمەسىنە نەگىزدەلگەندە، كەڭشىلىكپەن ءبىرجاقتىلى ەتۋگە بولادى. جاۋاپكەر ** بۇدان بۇرىن قىلمىس وتكىزىپ، قىلمىستىق ستەر جازاسىنا ۇكىم ەتىلگەن، جاعدايىنا قاراي اۋىرلاتىپ جازالاۋ كەرەك. سوندىقتان جاۋاپكەر **نا ءتورت اي قولدا ستەتۋ جازاسىنان التى اي ارالىعىندا مەرزىمدى قاماق جازاسىن، جانە قوسىمشا 4000 يۋان اقشالاي ايىپ سالۋدى ۇسىنىس ەتەمىز. <<جۇڭحۋا حالىق رەسپۋبليكاسى قىلمىستىق ىستەر ارىز-شاعىم زاڭى>> 176-تارماعىنىڭ بەلگىلەمەسىنە نەگىزدەلىپ، مەكەمەلەرىڭىزگە ايىپتاۋعا جولدادىق، زاڭ بويىنشا جازالاۋلارىڭىزدى سۇرايمىز.

قۇرمەتپەن :

شينجياڭ ۇيعۇر اۆتونوميالى رايونى ساۋان اۋداندىق حالىق سوت مەكەمەسىنە

                      پروكۋرور: ساۋلەت شەريزات ۇلى  

2020-جىلى 10-ايدىڭ 30-كۇنى

قوسىمشا :

1) جاۋاپكەر ** قازىر قوعامدا، قازىرگى تۇرعان ورنى: ساۋان اۋدانى ** اۋىلى ** قىستاعى **-كوشە **-ءنومىر؛

2) ەكى توم دەلو ارحيۆى؛

3) ءبىر پارشا << قىلمىسىن تانىپ جازاعا مويىنسال بولعاندىعى جٶنىندەگى قولحات>>؛

4) ءتورت پارشا ايىپتاۋناما.