不起诉决定书（胡某某危险驾驶）（(公开版)

شينجياڭ ۇيعۇر اۆتونوميالى رايونى شىڭگىل اۋداندىق 

حالىق پروكۋراتۋراسىنىڭ ايىپتاماۋ حارارى

ش پ (1-ءبولىم) ق ايىپتاماۋ [2021]3-ٴنومىرلى    

ايىپتالماۋشى ق** ق** ۇلى، **19-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى: **********65432519، قازاق، تولىق كۋرس ماعلۇماتتى، شىڭگىل اۋدانى تاۋ ورمان مەكەمەسىنىڭ توقتام قىزمەتكەرى. نوپوس قاراستىلىعى: شىڭگىل اۋدانى ** اۋىلدىعى، قازىرگى تۇراعى: شىڭگىل اۋدانى ** اۋىلدىعى ** قىستاعى **-اۋلا. 2021-جىلى 1-ايدىڭ 16-كۇنى شىڭگل اۋداندىق قوعام حاۋىپسىزدىك مەكەمەسى جاعىنان اۆتوكولىكتى قاتەرلى جۇرگىزۋ قىلمىس كۇمانىمەن سوتتاعانعا دەيىن سەمياسىنا كەپىلگە بەرىلگەن.    

شىڭگىل اۋداندىق قوعام حاۋىپسىزدىك مەكەمەسى بۇل دەلونىڭ بارلاۋىن اقىرلاستىرىپ، 2021-جىلى 2-ايدىڭ 1-كۇنى مەكەمەمىزدىڭ تەكسەرىپ ايىپتاۋىنا ۇسىنعان، مەكەمەمىز دەلونى قابىلداپ الىپ، سول كۇنى ايىپتالماۋشىعا اقتاۋشى الۋ ۇقىعى بار ەكەندىگىن ۇقتىرۋمەن بىرگە زاڭ بويىنشا تەرگەۋ الىپ، «قىلمىسىن تانىپ جازاعا مويىنسال بولۋ پريسيپ»ىن ۇقتىرىپ، دەلونىڭ بارلىق ماتەريالدارىن تەكسەرىپ تۇراقتاندىردىق.  

زاڭ بويىنشا تەكسەرىپ انىقتاۋىمىزدا:   

ايپتالماۋشى ق** ق** ۇلى، 2021-جىلى 1-ايدىڭ 6-كۇنى 23 ساعات مولشەرىندە، اراق ىشكەننەن كەيىن، شىڭگىل ** تەرىستىك ** جولى بويىنداعى ”ساماۋىر سورپاسى اسحاناسى“ ءبيناسىنىڭ وڭتۇستىك جاعىندا تۇرعان 新****2-ءنومىرلى، سارى ءتۇستى، يىڭجى ماركالى كىشكەنە ماشيناسىن ايداپ شىعىپ، تەرىستىك ** جولىنا قاراي وڭعا بۇرىلىپ، ”ساماۋىر سورپاسى اسحاناسى“ ءبيناسىنىڭ باتىس جاعىنا اكەلىپ قويماقشى بولعاندا، جولدا كەتىپ بارا جاتقان ساقشى قىزمەتكەرى جاعىنان ۇستالىپ، ناق مايداندا قاتىناس ساقشىلارىن شاقىرتقان، قاتىناس ساقشىلارى ايىپتالماۋشى ق** ق** ۇلىنىڭ دەمىندەگى سپيرت قۇرامىن تەكسەرۋ اسپابىن ۇردەتۋ ارقىلى 100 ميللي ليتردە 124.45 مللي گرام ەكەندىگى انىقتالعاننان كەيىن، شىڭگىل اۋداندىق حالىق دوحدىرحاناسىنا اپارىپ، قان ۇلگىسىن الىپ ساراپتاۋعا جولداعان. 

شينجياڭ ميڭ جىڭ ءادىليالىق ساراپتاۋ ورتالىعىنىڭ [2021]006-ءنومىرلى ساراپتاۋ پىكىرىندە: ايىپتالماۋشى ق** ق**  ۇلىنىڭ سول كەزدەگى 100 ميللي ليتر قانىندا 124.45 مىللي گرام سپيرت قۇرامى بار ەكەندىگىن تۇراقتاندىرعان. 

مەكەمەمىز بىلاي دەپ قارايدى: ايىپتالماۋشى ق** ق** ۇلىنىڭ ارەكەتى «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 133-تارماق بىرىندەگى بەلگىلەمەسىنە قايشى، اۆتوكولىكتى قاتەرلى جۇرگىزۋ قىلمىسى قالىپتاسادى. الايدا، ايىپتالماۋشى اراق ىشكەننەن كەيىن اۆتوكولىكتى ايداپ جولعا شىعۋ ماقساتىندا بولماعان، اراق ىشكەننەن كەيىن اۆتوكولىك جۇرگىزۋگە بولمايتىنىن ەسكەرىپ، ارناۋلى كولىك جۇرگىزۋشى ادام شاقىرعان، وسى بارىستا اۆتوكولىگىن تۇرعان ورنىنان جىلجىتىپ سول جەردەگى ماشينا توقتاتۋ ورنىنا توقتاتقان. ءارى دەلو تۋىلعان ۋاقىت 23 ساعات مولشەرى بولىپ، ادامداردىڭ شوعىرلى قاتىنايتىن مەزگىلىنە جاتپايدى، ال اۆتوكولىك جىلجىتقان ورىن ** جول بويى بولىپ، ادامداردىڭ سيرەك قاتىناۋ رايونىنا جاتادى. سونداي-اق، باسقادا اۋىرلاتىپ جازالايتىن جاعدايعا ۇيلەسپەيدى. دەلو تۋىلعان كەزدە ايىپتالماۋشى اۆتوكولىكتى جىلجىتىپ بولىپ، ءوز ەركىمەن توقتاعاننان كەيىن، ونى بايقاعان ساقشى كادرى— ماشينا ىشىندە وتىرعان ايىپتالماۋشىعا ”اراق ءىشىپ اۆتوكولىك جۇرگىزۋ قىلمىس كۇمانى بار“- دەپ قاتىناس ساقشىلارىنا مالىمدەگەن. ايىپتالماۋشىنىڭ سول كەزدەگى قانداعى سپيرت قۇرامى 124.45 ميللي گرام بولىپ، ماشيناسىن قىسقا ارالىقتا ورنىنان جىلجىتقان. قوعام حاۋىپسىزدىك مەكەمەسى بۇل دەلونى «قىلمىسىن تانىپ جازاعا مويىنسال بولۋ پرينسيپى» بويىنشا ايىپتاۋعا ۇسىنعان، ايىپتالماۋشىنىڭ قىلمىسىن تولىق مويىنداپ تاپسىرۋى «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 15-تارماق بەلگىلەمەسىنە ۇيلەسەدى، زاڭ بويىنشا جەڭىل باسقارۋعا بولادى. «شينجياڭ ۇيعۇر اۆتونوميالى رايوندىق حالىق پروكۋراتۋراسىنىڭ ماس بولىپ موتورلى قاتىناس كولىگىن جۇرگىزۋ قىلمىستىق دەلولار قىزمەت جەتەكشىسى (سىناق نۇسقا)»نىڭ 10-تارماق 1-تارماقشا بەلگلەمەسىنە نەگىزدەلىپ، قىلمىسىن تانۋ بەينەسى مەن قانداعى سپيرت قۇرامىنىڭ سالىستىرماسىنا قاراي، «جۇڭحۋا حالىق رەسپۋبليكاسى قىلمىستى ىستەر ارىز- شاعىم زاڭى»نىڭ 177-تارماق 2-ابزاتىس رۋحىنا ساي، ق** ق** ۇلىن سالىستىرمالى ايىپتاماۋعا حارار ەتتىك.   

ايپتالماۋشى بۇل حارارعا رازى بولماسا، حاراردى تاپسىرىپ العان كۇننەن باستاپ 7 كۇن ىشىندە مەكەمەمىزگە ءوتىنىش ەتىپ شاعىمدانۋىنا بولادى.  

   2021-جىلى 2-ايدىڭ  26-كۇنى