起诉书（塔某某招摇撞骗案)

شىنجاڭ ئۇيغۇر ئاپتونوم رايونى 

كۇچا ناھىيىلىك خەلق تەپتىش مەھكىمىسىنىڭ

ئەيىبنامىسى 

                                 ك ت جىنايى ئىشلار 1-بۆلۈم ئەيىبلەش چىقىش (2020) 771-نومۇرلۇق

كۇچا ناھىيلىك خەلق سوت مەھكىمىسىگە : 

جاۋابكار تx ، ئەر ، ئويغۇر ، 19**-يىلى **-ئاينىڭ **-كۈنى تۇغۇلغان ، كىملىك نۇمۇرى : 6529231990********، تۇلۇقسىز ئوتتۇرا مەدەنىيەت سەۋيىسىگە ئىگە ، دېھقان ،  شىنجاڭ كۇچا ناھىيىسىدىن ، نۇپۇس تۇرۇشلۇق جايى ۋە قولغا ئېلىنىشتىن بۇرۇنقى ئولتۇرۇغى : كۇچا ناھىيە ** بازار ** كەنىت **-گۇرۇپپا **-نۇمۇرلۇق قورو‏ ، ئىلگىرى جازالانمىغان . 

كۆز بويامچىلىق جىنايىتىگە چېتىشلىق بولغانلىقى ئۈچۈن ‏2020-يىلى 01-ئاينىڭ 23-كۈنى كۇچا ناھىيىلىك ج خ ئىدارىسى تەرىپىدىن جىنايى ئىشلار بىلەن توختىتىلىپ قۇيۇلغان ، ‏2020-يىلى 2-ئاينىڭ 27-كۈنى مەھكىمىمىزنىڭ تەستىقى بىلەن  قولغا ئېلىنغان ، ھازىر كۇچا ناھىيلىك قاماقخانىدا قاماقلىق .‏

مەھكىمىمىز كۇچا ناھىيىلىك جامائەت خەۋپىسىزلىك ئىدارىسى〔2020〕 149-نومۇرلۇق ئەيىبلەش پىكىرنامىسى بىلەن يوللىغان جاۋابكار تxنىڭ كۆز بويامچىلىق ‏دېلوسىنى ‏2020-يىلى 04-ئاينىڭ 27-كۈنى تاپشۇرۇپ ئېلىپ « جىنايى ئىشلار دەۋا قانۇنى » نىڭ مۇناسىۋەتلىك بەلگىلىمىسىگە ئاساسەن شۇ كۇنى جاۋابكارغا ئاقىلىنشىنى ئادۋۇكاتقا ھاۋالە قىلىشقا ھۇقۇقلۇق ئىكەنلىگىنى ۋە جىنايىتىنى تۇنۇپ جازانى قۇبۇل قىلىشنىڭ كېلىپ چىقىدىغان قانۇنى ئاقىۋىتىنى ئۇقتۇردۇق ، دەۋاگەرلەرگە دەۋا ۋاكالەتچىسىگە ھاۋالە قىلىشقا ھوقۇقلۇق ئىكەنلىكىنى ئۇقتۇردۇق ، جاۋابكارنى قانۇن بويىچە سوراق قىلدۇق ، جاۋابكار ۋە دىجورنى ئادۇۋكاتلارنىڭ پىكرىنى ئالدۇق ،‏2020-يىلى 05-ئاينىڭ 27-كۈنى دېلو ۋاقىت سۈرىكىنى 15 كۈن ئۇزارتتۇق ، 2020-يىلى ‏‏06-ئاينىڭ 11-كۈنى دىلونى تۇلۇقلاپ تەھقىقلەشكە يوللىدۇق ،كۇچا شەھەرلىك ج خ ئىدارىسى ‏‏2020-يىلى 07-ئاينىڭ 08-كۈنى دېلونى تۇلۇقلاپ قايتا يوللىدى ، 2020-يىلى 08-ئاينىڭ ‏‏08-كۈنى دېلو ۋاقىت سۈرىكىنى 15 كۈن ئۇزارتتۇق ، جاۋابكار مەزكۇر دىلونى ئاددى تەرتىپ بىلەن سوت قىلىشقا  قۇشۇلدى ، يۇقارقى تەكشۈرۈشلەردىن كېيىن دىلودىكى دەلىل-ئىسپاتلارنى تەكشۈرۈش ئارقىلىق جىنايى پاكىتىنى تۆۋەندىكىچە ئېنىقلاپ چىقتۇق :

‏1-پاكىت : جاۋابكار تx ئىلگىرى زىيانلانغۇچى ئاx بىلەن كۈرىشكەندە دائىم ** دەرىجلىك مەسئۇل ساقچى فاگۇنىنى بار ‏ساقچى فورمىسى كىيىۋالغان ھەم ئۆزىنى ساقچى دەپ تۇنۇشتۇرغان ‏ ، 2019-يىلى 4-ئاينىڭ ‏‏15-كۈنى زىيانلانغۇچى ئاx جاۋابكار تxغا تىلىفۇن قىلىپ ، ئۆزىنىڭ ھاراق ‏ئىچىپ ماشىنا ھەيدەپ ساقچىلار تەرىپىدىن تۇتۇلۇپ قالغانلىقىنى تxنىڭ ياردەم قىلىشىنى ‏دىگەندىن كىيىن ، تx ئاxگە قاتناش ساقچى ئەتىرىتىدىكى ساقچىلار بىلەن ‏تۇنۇشىدىغانلىقىنى ، قاتناش ساقچى ئەتىرىتىدىكى ساقچىلار ئارقىلىق يولىنى مىڭىپ ، ئاxنىڭ ‏تۈرمىدە ياتمايدىغانغا ، پىراۋىسى ئۆلمەيدىغانغا ياردەم قىلىدىغانلىقىنى ، بۇنىڭ ئۈچۈن 10000 يۈەن ‏پۇل كىتىدىغانلىقىنى دەپ ، بىر ھەپتە ئىچىدە ئىلىگىرى كىيىن بۇلۇپ ، ئاxدىن 10000 يۈەن ‏پۇلنى ئىلىپ ، خەجلەپ تۈگەتكەن ، دىلو پاش بولغاندىن كىيىن ‏‏4000 يۈەن زىيان ئەسلىگە كەلمىگەن‎ . ‎

‎-2‎پاكىت : جاۋابكار تx ئىلگىرى زىيانلانغۇچى گx بىلەن ‏كۆرۈشكەندە ، ئۆزىنى كۇچا ناھيىلىك ج خ ئىدارىسى جىنايى ئىشلار ئەتىرىتىدە ئىشلەيمەن دەپ ‏تۇنۇشتۇرغاچقا ، 2019-يىلى 8-ئاينىڭ ئوتتۇرلىرىدا زىيانلانغۇچى گx ‏جاۋابكار تxغا تىلىفۇن قىلىپ ، ئۆزىنىڭ 2019-يىلى 8-ئاينىڭ 6-كۈنى ماشىنىدا بىرسىنى ‏سۇقىۋېتىپ ، ئادەم سۇقۇپ قويغانلىقىنى بىلمەي ئۆيىگە كەتكەنلىكىنى ، ھازىر قاتناش ساقچى ‏ئەتىرىتىدىن كىنىشىكىسنى بىكار قىلىۋەتكەنلىكىنى ، ياردەم قىلىشىنى دىگەن تx گxگە پىراۋىڭىزنى توڭلىتىپ قويغان بولسا ، مەن يولىنى ماڭىمەن ، قاتناش ساقچى ئەتىرىتىدىكى ‏بالىلار بىلەن كۆڭلۈم يىقىن ، تۆتىنچى تۈرنى قايتا بەرسىڭىز كىنىشكىڭىز ئەسىلىگە كىلىدىغان قىلىپ ‏بىرىمەن دەپ ، بۇنىڭغا يول ماڭدىغانغا پۇل كىتىدۇ دەپ ، گxدىن 10000 يۈەن ئىلىپ ‏خەجلەپ تۈگەتكەن . 2020-يىلى1-ئاينىڭ 17-كۈنى جاۋابكار تx گxنىڭ ‏ئاپىسى ئاxغا قىزىڭىز گx قاتناش ھادىسىسى سادىر قىلىپ ، قىچىپ ‏كەتكەنلىكى ئۈچۈن ئەمگەك بىلەن ئۆزگەرتىشكە ئالتە ئايلىق بارىدىكەنتۇق ، مەن بۇ ئىشقا يول مىڭىپ ‏كىپىل بۇلۇپ ، بۇ ئىشىنى تۈگەتتىم ، بۇنىڭ يولىنى ماڭغانغا 15000 يۈەن بەرسڭىز ، قىزىڭىز گx 3-ئايدا شۇپۇرلۇق ئىمتىھانىنىڭ 4-تۈرىگە قاتنىشىدۇ دەپ ، ئاxدىن 15000 يۈەن ‏پۇلنى ئىلىپ ، بانكىدىكى قەرىزىنى تۆلىگەن ، دىلو پاش بولغاندىن كىيىن زىيان تۇلۇق ئەسلىگە ‏كەلگەن . ‏

‎-3‎پاكىت : 2019-يىلى 5-ئاينىڭ 10-كۈنلىرى ئەتىراپىدا جاۋابكار تx ، زىيانلانغۇچى ‏ئاxنىڭ رىمونىتخانىسىغا ماشىنسىنى رىمونىت قىلدۇرغىلى بىرىپ ، ئۆزىنى مەن كۇچا ‏ناھيىلىك ج خ ئىدارىسىدا ئىشلەيمەن دەپ تۇنۇشتۇرغان زىيانلانغۇچى ئاx ئۆزىنىڭ ‏ھاراق ئىچىپ ماشىنا ھەيدەپ ، پىراۋىسىنىڭ بىكار قىلىنغانلىقىنى ، بەش يىلغىچە پىراۋا ئالالماس ‏بۇلۇپ قالغانلىقىنى دىگەن ، تx مىنىڭ قاتناش ساقچى ئەتىرىتىدە تۇنۇشۇم بار ، ئاپتۇمۇبىل ‏باشقۇرۇش ئورنىدىمۇ تۇنۇشۇم بار ، پىراۋاڭنى قايتا ئۇقۇيدىغان ، ئۈچ ئايدىلا پىراۋاڭلىنى ئالىدىغان ‏قىلىپ بىرەلەيمەن ، بۇ ئىشىنى ھەل قىلىدىغانغا يول مىڭىش ئۈچۈن  5000 يۈەن كىتىدۇ دەپ ، ‏‏2019-يىلى 8-ئايغىچە ئىلگىرى كىيىن بۇلۇپ زىيانلانغۇچى ئاxدىن 4000 يۈەن پۇل ‏ئىلىپ خەجلەپ تۈگەتكەن . دىلو پاش بولغاندىن كىيىن ، زىيان ئەسلىگە كەلمىگەن‎. ‎

‎-4‎پاكىت : 2019-يىلى 9-ئاينىڭ 16-كۈنلىرى ئەتىراپىدا جاۋابكار ماشىنا رىمونىت ‏قىلدۇرغىلى بېرىپ ماشىنا رىمونىت قىلدۇرىۋاتقان ئەxگە ئۆزىنى كۇچا ناھيىلىك ج خ ‏ئىدارىسى جىنايى ئىشلار ئەترىتىدە ئىشلەيمەن دەپ تۇنۇشتۇرغان ، زىيانلانغۇچى ئەx ‏ئۆزىنىڭ ئىلگىرى ئامانەت قەرىز كوپىراتىۋىدا ئىشلىگەن چاغدا ، يx دىگەن بىرسىگە  قەرىز ‏بىجىرىپ بىرىپ ، پۇلنى قايتۇرمىغاچقا يxنىڭ نامىدا ئۆزىنىڭ  35000 يۈەن پۇلنى ‏قايتۇرىۋەتكەنلىكىنى ، يxنىڭ ھازىرغىچە پۇلنى قايتۇرمىغانلىقىنى ، قانداق قىلسا ‏بولىدىغانلىقىنى دىگەن ، تx مەن ئىلىپ بىرەلەيمەن ، بىر ھەپتە ئىچىدە پۇلۇڭلارنى قۇلۇڭلارغا ‏يەتكۈزىمەن ، پۇلنى بەرمىسە ئۇنى قاماقخانىغا تىقىمەن ، بەرمەي باققىنىنى بىر كۆرەي ، مەن بۇ ‏پۇلنى ئىلىپ بەرگەنلىكم ئۈچۈن ماڭا 5000 يۈەن بىرىسىلەر دەپ ، زىيانلانغۇچى xدىن ‏بىر ئاي ئىچىدە ئىلگىرى كىيىن بۇلۇپ 4600 يۈەن پۇلنى ئالداپ ئىلىپ ، خەجلەپ تۈگەتكەن ، دىلو ‏پاش بولغاندىن كىيىن 600 يۈەن زىيان ئەسلىگە كەلمىگەن‎. ‎

‎-5‎پاكىت: جاۋابكار تx زىيانلانغۇچى تx بىلەن ئىلگىرى تۇنۇشقاندا ئۆزىنى ‏ساقچى دەپ تۇنۇشتۇرغان ، 2018-يىلى 8-ئاي مەزگىلىدە جاۋابكار تx زىيانلانغۇچى تxنىڭ ئاياق دۇكىنىغا كىرىپ ئاياق ئىلىش جەريانىدا ، تاxدىن شۇپۇرلۇق ئىمتىھانىنىڭ ‏‏2-تۇرىنى بىرىپ ئۆتەلمەيۋاتقانلىقىنى بىلىپ ، تxقا مىنىڭ تۇنۇشلىرىم بار ، مەن ئامال ‏قىلالايمەن ، بۇ ئىشقا يول ماڭىدىغانغا پۇل ۋە سوۋغا سالام لازىم بولىدۇ دەپ ، تxنىڭ ‏‏1700 يۈەن ۋە 400 يۈەن قىممتىدىكى تاماكا ، ئىچىملىك  قاتارلىقلارنى ئالداپ ئېلىۋالغاندىن كىيىن ‏، پۇلنى خەجلەپ تۈگەتكەن ، تاماكا ، ئىچىملىكىنى ئۆزى ئىستىمال قىلىپ تۈگەتكەن ، دىلو پاش ‏بولغاندىن كىيىن 100 يۈەن زىيان ئەسلىگە كەلمىگەن‎. ‎

‎-6‎پاكىت: 2019-يىلى 2-ئاي مەزگىلىدە جاۋابكار تx زىيانلانغۇچى مxغا ‏ئۆزىنى كۇچا ناھيىلىك ج خ ئىدارىسىنىڭ ساقچىسى دەپ تۇنۇشتۇرغان ، زىيانلانغۇچى مx ‏جاۋابكار تxغا ئۆزىنىڭ ھاراق ئىچىپ ماشىنا ھەيدەپ ، ** يىزا بازىرىدا ساقچىلار ‏تەرىپىدىن تۇتۇلۇپ قالغانلىقىنى ، شۇڭا بۇ ئىشقا ياردەم قىلىىشىنى دىگەن ، جاۋابكار تx ‏ئۆزىنىڭ قانتاش ساقچى ئەتىرىتىدىكى ساقچىلار بىلەن كۆڭلۈم يىقىن ، پىراۋاڭلىنىڭ ئۆلتۈرۈپ ‏كەتمەسلىكىگە يول ماڭايلى ، پىراۋاڭلار ئالتە ئاي ياكى بىر يىل ئىچىدە ئەسلىگە كىلىدۇ دەپ ‏زىيانلانغۇچى مxدىن  9000 يۈەن پۇلنى ئالداپ ئالغان ، 2019-يىلى 4-ئايدا مx ‏ئىشنىڭ ھەل بولمىغانلىقىنى ، شۇڭا پۇلنى قايتۇرۇشنى دەپ تۇرىۋالغاندىن كىيىن ، 7000 يۈەن پۇلنى ‏قايتۇرۇپ بەرگەن ، قالغان 2000 يۈەن پۇلنى خەجلەپ تۈگەتكەن ، دىلو پاش بولغاندىن كىيىن زىيان ‏ئەسلىگە كەلمىگەن‎. ‎

‏7-پاكىت: 2019-يىلى 8-ئايدا جاۋابكار تx زىيانلانغۇچى يxكە ئۆزىنى كۇچا ‏ناھيىلىك ج خ ئىدارىسى جىنايى ئىشلار رازىۋتكا چوڭ ئەتىرىتىدە ئىشلەيمەن دەپ تۇنۇشتۇرغان ۋە ‏يxنىڭ بالىسى ئەxنى ھەربىيلىككە ماڭدۇرۇش ئۈچۈن يولىنى ماڭىمەن دەپ 10 مىڭ ‏يۈەن تەلەپ قىلغان ، يx بانى ئېلىپ تۇرسىلا دەپ 1000 يۈەننى جاۋابكار تxغا ‏بەرگەن ، تx پۇلنى ئالغاندىن كىيىن خەجلەپ تۈگەتكەن . دىلو پاش بولغاندىن كىيىن زىيان ‏تۇلۇق ئەسلىگە كەلگەن . ‏

جاۋابكار تx 2018-يىلى 8-ئايدىن 2020-يىلى 1-ئاينىڭ 20-كۈنىگىچە ئاx‏قاتارلىق يەتتە نەپەر زىيانلانغۇچىلارنىڭ 48700 يۈەن پۇلىنى ئالداپ ئىلىۋالغان ، دىلو پاش بولغاندىن ‏كىيىن 38000 يۈەن زىيان ئەسلىگە كەلگەن ، 10700 يۈەن زىيان ئەسلىگە كەلمىگەن‎.  ‎

 دىمەك ، جاۋابكار ت xنىڭ يۇقارقى قىلمىشىدىن كۆز بويامچىلىق جىنايىتى شەكىللىنىدۇ. 

يۇقارقى پاكىتنى ماددى ئىسپات ، يازما ئىسپات ، گۇۋاھچىلارنىڭ گۇۋاھلىقى ، ‏ زىيالانغۇچىنىڭ بايانى ، جاۋابكارنىڭ ئىقرارى ۋە ئۆزىنى ئاقلىشى ، تەكشۈرۈش ئېنىقلاش خاتىرسى ، نەق مەيدان تەكشۈرۈش خاتىرسى ، ئۈن-سىن ماتىريالى قاتارلىق دەلىل-ئىسپاتلار ئىسپاتلايدۇ .

دىلونىڭ پاكىتى ئېنىق ، دەلىل-ئىسپاتى راست ۋە تۇلۇق بېكىتىشكە بولىدۇ . جاۋابكارنىڭ بېكىتىلگەن جىنايەت پاكىتى ۋە دەلىل-ئىسپاتلارغا قارتا پىكرى يوق ، ئۆزلىكىدىن جىنايتىنى تۇنۇپ جازانى قۇبۇل قىلىدۇ .

مەھكىمىمىز دۆلەت ئورگانلىرىنىڭ ئوبرازى ۋە جەمىيئەتنىڭ نورمال باشقۇرۇش تەرتىپىنى  قانۇن بويىچە كاپالەتكە ئىگە قىلىش ئۈچۈن ، جاۋابكار تxنى «جۇڭخۇا خەلق جۇمھۇريىتى جىنايى ئىشلار قانۇنى» نىڭ ‏279-ماددا 2-تارماق‏ ، 67-ماددا 3-تارماق بەلگىلمىسى بويىچە جىنايەت بېكىتىپ ، «جۇڭخۇا خەلق جۇمھۇريىتى جىنايى ئىشلار دەۋا قانۇنى» نىڭ 176-ماددىسىدىكى بەلگىلىمىسى بويىچە مەھكىمىڭىزلەرگە ئەيىبلىدۇق.  

ھۆرمەت بىلەن: 

                                    تەپتىش: گۈزەلنۇر ئەخمەت 

                                  2020-يىلى 08-ئاينىڭ 23-كۈنى

ئەسكەرتىش:

1 .جاۋابكار تx ھازىر كۇچا ناھىيلىك قاماقخانىدا . 

2. بىر توپلام تەھقىقلەش دىلو ئارخىپى ، 9 نۇسخا ئەيىبنامە ، 2 نۇسخا جازا ئۆلچەش تەكلىپنامىسى ، ئاددى تەرتىپنى قوللىنىش تەكلىپنامىسى ، دىلو بىلەن بىرگە يوللانغان بۇيۇملار تىزىملىكى ، جىنايىتىنى تۇنۇپ جازانى قۇبۇل قىلىش ئىتىراپنامىسى بىرگە يوللاندى .