起诉书（马某白诈骗案）(公开版)

كوكتوعاي اۋداندىق حالىق پروكۋراتۋراسىنىڭ

ايىپتاۋناماسى

                                         ك ا پ ا ق ا ( 2019 )217– ءنومىرلى 

جاۋاپكەر ماعىپەر ماساي ۇلى، 1986– جىلى **– ايدىڭ **– كۇنى تۋىلعان، ازاماتتاردىڭ ازاماتتىق كۋالىك ءنومىرى********6543221986، قازاق، باستاۋىش مەكتەپ ماعۇلماتتى، كاسىپسىز، مەكەنى التاي ايماعى كوكتوعاي اۋدانى، نوپوسى تۇرعان جەر كوكتوعاي اۋدانى ** اۋىلدىعى ** قىستاعى **- ءنومىر، قازىر كوكتوعاي اۋدانى ** قالاشىعى ** جولىندا تۇرادى. الدامشىلىق قىلمىس كۇمانىمەن، 2019- جىلى 7– ايدىڭ 9– كۇنى كوكتوعاي اۋداندىق قوعام حاۋىپسىزدىك مەكەمەسى جاعىنان قىلمىستى ىستەر بويىنشا توقتاتىلىپ، 2019- جىلى 8– ايدىڭ 15– كۇنى مەكەمەمىزدىڭ بەكىتۋىمەن، سول كۇنى كوكتوعاي اۋداندىق قوعام حاۋىپسىزدىك مەكەمەسى قولعا الۋدى اتقارعان.

بۇل دەلونى كوكتوعاي اۋداندىق قوعام حاۋىپسىزدىك مەكەمەسى بارلاۋىن اقىرلاستىرىپ، جاۋاپكەر ماعىپەردى الدامشىلىق قىلمىس كۇمانىمەن، 2019– جىلى 10– ايدىڭ 15– كۇنى مەكەمەمىزگە تەكسەرىپ ايىپتاۋعا جولداعان. مەكەمەمىز قابىلداعاننان كەيىن، 2019- جىلى 10– ايدىڭ 17- كۇنى جاۋاپكەر ماعىپەرگە اقتاۋشى الۋعا ۇقىقتى ەكەندىگىن جانە قىلمىسىن تانىپ جازاسىنا مويىنسال بولۋدىڭ زاڭدىق  زاردابىن ۇقتىردىق جانە سول كۇنى زياندالۋشىلارعا ارىز-شاعىم جوقشىسىن مىندەتتەۋگە ۇقىقتى ەكەندىگىن ۇقتىردىق، زاڭ بويىنشا جاۋاپكەر ماعىپەردى تەرگەپ، زياندالۋشىلاردىڭ پىكىرىن تىڭداپ، بارلىق دەلو ماتەريالىن تەكسەردىك. 

زاڭ بويىنشا تەكسەرىپ انىقتاۋىمىزدا:  

2019- جىلى 1– ايدان 2019- جىلى 4- ايعا دەيىن، جاۋاپكەر ماعىپەرءوزىنىڭ ********189ءنومىرلى تەلەفون اتىنداعى ۇنحاتىمەن دوستىق شەڭبەرى جانە ۇقساماعان توپتارعا ” ەكىنشى قول ماشينا ساتامىن، ەمتيحانسىز شوفەرلىق كىناشقا بىتىرەمىن، ءنومىر تارتىلعان كىناشقانى قالپىنا كەلتىرەمىن “ دەپ جالعان جارناما تاراتىپ، جالپى ون زياندالۋشىنىڭ 63 مىڭ يۋان حالىق اقشاسىن الداپ العان، ناقتىلى قىلمىس فاكىتى تومەندەگدەي:

1) 2019- جىلى 1– ايدىڭ 1– كۇنى جاۋاپكەر ماعىپەر جالعاننان ەمتيحانسىز  C1ءتيىپتى موتورلى كولىك جۇرگىزۋ كۋالىگىن ءبىتىرىپ بەرەمىن دەپ، زياندالۋشى ور** جانە ۇ**نان جەكە – جەكە 4000 يۋاننان، جالپى 8000 يۋان اقشا الداپ العان؛

2) 2019- جىلى 1– ايدىڭ 6– كۇنى جاۋاپكەر ماعىپەر جالعاننان ەمتيحانسىز  C1ءتيىپتى موتورلى كولىك جۇرگىزۋ كۋالىگىن ءبىتىرىپ بەرەمىن دەپ، زياندالۋشى بە**نان 12000 يۋان اقشا الداپ العان؛

3) 2019- جىلى 1– ايدىڭ 8– كۇنى جاۋاپكەر ماعىپەر جالعاننان دارەجەسى تۇسىپ قالعان  B2ءتيىپتى موتورلى كولىك جۇرگىزۋ كۋالىگىن قالپىنا كەلتىرىپ بەرەمىن دەپ، زياندالۋشى تۇ**نان 9000 يۋان اقشا الداپ العان؛

4) 2019- جىلى 1– ايدىڭ 9– كۇنى جاۋاپكەر ماعىپەر جالعاننان ەمتيحانسىز  C1 ءتيىپتى موتورلى كولىك جۇرگىزۋ كۋالىگىن ءبىتىرىپ بەرەمىن دەپ، زياندالۋشى ق**نان 6000 يۋان اقشا الداپ العان؛

5) 2019- جىلى 2– ايدىڭ ورتاسىندا جاۋاپكەر ماعىپەر جالعاننان ەمتيحانسىز B2 ءتيىپتى موتورلى كولىك جۇرگىزۋ كۋالىگىن A2 تيپىنە وزگەرتىپ بەرەمىن دەپ، زياندالۋشى قا**نان 7000 يۋان اقشا الداپ العان، سوڭىنان جاۋاپكەر 2000 يۋان اقشانى زياندالۋشىعا قايتارىپ بەرگەن؛

6) 2019- جىلى 2– ايدىڭ 26– كۇنى جاۋاپكەر ماعىپەر جالعاننان دارەجەسى تۇسىپ قالعان  B2ءتيىپتى موتورلى كولىك جۇرگىزۋ كۋالىگىن قالپىنا كەلتىرىپ بەرەمىن دەپ، زياندالۋشى قۇ**نان 6000 يۋان اقشا الداپ العان؛

7) 2019- جىلى 3– ايدىڭ 4– كۇنى جاۋاپكەر ماعىپەر جالعاننان ەمتيحانسىز  C1ءتيىپتى موتورلى كولىك جۇرگىزۋ كۋالىگىن ءبىتىرىپ بەرەمىن دەپ، زياندالۋشى ق**نان 5000 يۋان اقشا الداپ العان؛

8) 2019- جىلى 3– ايدىڭ 23– كۇنى جاۋاپكەر ماعىپەر جالعاننان ەمتيحانسىز موتورلى كولىك جۇرگىزۋ كۋالىگىن ءبىتىرىپ بەرەمىن دەپ، زياندالۋشى ا**نان 5000 يۋان اقشا الداپ العان؛

9) 2019- جىلى 4– ايدىڭ 9– كۇنى جاۋاپكەر ماعىپەر جالعاننان ەمتيحانسىز  C1ءتيىپتى موتورلى كولىك جۇرگىزۋ كۋالىگىن ءبىتىرىپ بەرەمىن دەپ، زياندالۋشى ەر**نان 5000 يۋان اقشا الداپ العان.

جوعارداعى فاكتتەردى تۇراقتاندىرۋداعى دالەل-ىسپاتتار:

1. جازبا ىسپات: قابىلدانعان قىلمىستى ىستەر دەلوسىن تىزىمدەۋ كەستەسى، دەلوعا الىنۋ احۋالىنان تۇسىنىك، نوپوس انىقتاماسى، ۇستاپ قالۋ قارارى، ءتىزىمدىگى جانە ءراسىمى،ءۇنحاتتا اڭگىمەلەسۋ ەستەلىگى جانە اقشا جوتكەۋ قيما سۋرەتى، قىزمەت انىقتاماسى؛ 2. زياندالۋشى قۇ**، ا**، ە**، ور**، ۇ**، قۇ**، قى**، قا**، تۇ**، بە** بايانى؛ 3. جاۋاپكەر ماعىپەردىڭ مويىنداۋى جانە ءوزىن اقتاۋى؛ 4. قول تەلەفوننان دالەل – ىسپات الۋ دوكىلاتى؛ 5. دىبىس – كەسكىن ماتەريالى.  

جوعارىداعى دالەل – ىسپاتتاردىڭ كەلۋ قاينارى مەن دالەل-ىسپاتتاردى جيناۋ ءتارتىبى زاڭدى، دالەل-ىسپاتتاردىڭ مازمۇنى وبيەكتيۆ شىندىق، بۇل دەلونىڭ فاكتىن تولىق تۇراقتاندىرىپ بەرە الادى، جاۋاپكەر ماعىپەردىڭ ايىپتالعان قلمىس پاكىتى مەن دالەل – ىسپاتتارعا بوگدە پىكىرى جوق، وزدىگىنەن قىلمسىن تانىپ جازاسىنا مويىنسال بولعان.   

مەكەمەمىز بىلاي دەپ قارايدى: جاۋاپكەر ماعىپەر ماساي ۇلىنىڭ زاڭسىز يەمدەنۋ ماقساتىندا، ۇنحات توراپ قۇرالدارى ارقىلى جالعاننان ينفورماتسيا تاراتىپ، جەكەلەردىڭ 63 مىڭ يۋان حالىق اقشاسىن الداپ الۋ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى »نىڭ 266- تارماق بەلگىلەمەسىنە قيعاشتىق جاساعان، قىلمىس فاكتى ايقىن، دالەل- ىسپاتتارى شىن جانە تولىق، الدامشىلىق قىلمىسىمەن جاۋاپكەر ماعىپەردىڭ قىلمىستى ىستەر جاۋاپكەرشىلىگى قۋزاستىرىلۋى ءتيىس، سوندىقتان «جۇڭحۋا حالىق رەسپۋبليكاسى قىلمستى ىستەر ارىز – شاعىم زاڭى » نىڭ 176- تارماق بەلگىلەمەسىنە ساي الەۋمەتتىك ايىپتادىق.

قۇرمەتپەن:

كوكتوعاي اۋداندىق حالىق سوت مەكەمەسىنە 

باس پروكۋرور: سەرىك ومىربەك ۇلى

                          2019- جىلى 11- ايدىڭ 15- كۇنى

قوسىمشا:

1. جاۋاپكەر ماعىپەر قازىر قازىر كوكتوعاي اۋداندىق قاماقحانادا قاماۋدا؛ 

2. دەلو ماتەريالى جانە دالەل-ىسپاتتارى ەكى تۇپتەم؛

3. قىلمسىن تانىپ جازاسىنا مويىنسال بولۋ حاتى؛ 

4. جازا ولشەۋ ۇسىنسى ءبىر دانا؛

5. ايعاقتار تىزىمدىگى ءبىر دانا؛

6. دەلومەن بىرگە جوتكەلگەن زاتتار تىزىمدىگى؛

6. قاتىستى زاڭ تارماقتارى:

«جۇڭحۋا حالىق رەسپۋبىليكاسىنىڭ قىلمستى ىستەر زاڭى»

266- تارماق جالپىنڭ، جەكەنىڭ مال-مۇلكىن الداپ الىپ، سوماسى ءبىر شاما كوپ بولسا 3 جىلدان تومەن مەرزىمدى قاماق جازاسى، قولدا ىستەتۋ جازاسى نەمەسە باقىلاۋعا الۋ جازاسى كەسىلەدى، وعان قوسا نەمەسە جەكەلەي ايىپ تارتتىرلادى؛ سوماسى كوپ بولسا نەمەسە باسقا اۋىر قىلمىسى بولسا، 3 جىلدان جوعارى 10 جىلدان تومەن مەرزىمدى قاماۋ جازاسى كەسىلەدى، وعان قوسا ايىپ تارتتىرلادى؛......

«جۇڭحۋا حالىق رەسپۋبىليكاسىنىڭ قىلمستى ىستەر ارىز – شاعىم زاڭى»

15-تارماق  قىلمىس كۇماندىسى، جاۋاپكەر ءوز ەركىمەن شىنايى ءوزىنىڭ قىلمىسىن تاپسىرىپ، تۇراقتاندىرعان قىلمىس فاكتىن مويىنداپ، جازالاۋعا ريزا بولسا، زاڭ بويىنشا كەڭشىلىكپەن ءبىر جايلى ەتۋگە بولادى.

176-تارماق حالىق پروكۋراتۋراسى قىلمىس كۇماندىسىنىڭ قىلمىس فاكتى تەكسەرىلىپ انىقتالدى، دالەل- سپاتتارى شىن، تولىق، قىلمستىق ىستەر جاۋاپكەرلىگىن زاڭ بويىنشا قۋزاستىرۋ كەرەك دەپ ەسەپتەگەندە، ايىپتاۋ قارارىن شىعارىپ، سوت جۇرگىزۋ قاراستىلىعى جونىندەگى بەلگىلەمە بويىنشا حالىق سوت مەكەمەسىنە الەۋمەتتىك ايىپتاۋ جۇرگىزۋى ءارى دەلو ماتەريالىن، دالەل- سپاتىن حالىق سوت مەكەمەسىنە جوتكەۋى كەرەك.

جاۋاپكەر قىلمسىن تانىپ جازاسىنا مويىنسال بولسا، حالىق پروكۋراتۋراسى باستى جازا، قوسىمشا جازا ، جازاسىن كەشىكتىرىپ اتقارۋى قاتارلى جازا ولشەۋ ۇسنسىن ورتاعا قويىپءارى قىلمسىن تانىپ جازاسىنا مويىنسال بولۋ كەپىلدىك حاتى قاتارلى دالەل – ىسپات ماتەريالدارىن دەلومەن بىرگە جوتكەۋى كەرەك.