起诉书（阿某某非法持有枪支案）(公开版)

شينجياڭ ۇيعۇر اۆتونوميالى رايونى ساۋان اۋداندىق حالىق پروكۋراتۋراسىنىڭ

ايىپتاۋناماسى

ش س ح پ ايپتاۋ〔2020〕 97-ءنومىر

جاۋاپكەر **، ەر، قازاق، ****-جىلى **-ايدىڭ **-كۇنى شينجياڭ ساۋان اۋدانىندا تۋىلعان، ازاماتتىق كۋالىك ءنومىرى: 401X********654223، باستاۋىش مەكتەپ ماعۇلماتىنا يە، نوپۇس قاراستى ورنى: شينجياڭ ساۋان اۋدانى ** اۋىلى ** قىستاعى **-گىرۋپپا **-ءنومىر، قازىرگى تۇرعان ورنى: نوپۇس تۇرعان ورنىمەن ۇقساس، ديقان. 2019-جىلى 1-ايدىڭ 18-كۇنى زاڭسىز تۇردە قۇرال-جاراق، وق-ءدارى ۇستاۋ قىلمىس كۇمانىمەن ساۋان اۋداندىق قوعام حاۋىپسىزدىك مەكەمەسى جاعىنان كەپىلگە بەرىلگەن، ءبىر جاقتىلى ەتكەنشە كەپىلگە بەرۋ ۋاقىتى تولعاندىقتان، 2020-جىلى 1-ايدىڭ 17-كۇنى ساۋان اۋداندىق قوعام حاۋىپسىزدىك مەكەمەسى جاعىنان كەپىلگە بەرۋ قارارى كۇشىنەن قالدىرىلعان. 2020-جىلى 4-ايدىڭ 30-كۇنى زاڭسىز تۇردە قۇرال-جاراق، وق-ءدارى ۇستاۋ قىلمىس كۇمانىمەن ساۋان اۋداندىق حالىق پروكۋراتۋراسى جاعىنان كەپىلگە بەرىلگەن.

بۇدان بۇرىن زاڭعا قايشى ارەكەتى: جٶق.

ساۋان اۋداندىق قوعام حاۋىپسىزدىك مەكەمەسى جاۋاپكەر **نىڭ زاڭسىز تۇردە قۇرال-جاراق، وق-ءدارى ۇستاۋ قىلمىس دەلوسىن بارلاۋىن اقىرلاستىرىپ، 2020-جىلى 4-ايدىڭ 30-كۇنى مەكەمەمىزدىڭ تەكسەرىپ ايىپتاۋىنا جولداعان. مەكەمەمىز دەلونى قابىلداعاننان كەيىن، 2020-جىلى 4-ايدىڭ 30-كۇنى جاۋاپكەر **نا زاڭ بويىنشا يگىلىكتەنەتىن ارىز-شاعىم ۇقىعىن، ءارى قىلمىسىن تانىپ جازاعا مويىنسال بولۋ جٶنىندەگى كەلتىرەتىن مۇمكىنشىلىگى بولعان زاڭدىق زاردابىن ۇقتىردىق، زاڭ بويىنشا جاۋاپكەردى سۇراق قىلىپ، جاۋاپكەرمەن كەزەكشى ادۋۆاكاتتىڭ پىكىرىن تىڭداپ، دەلو ماتەريالىن جالپى بەتتىك كورىپ شىعىپ، دەلونىڭ فاكىتىمەن دالەل-سپاتىن انىقتاپ شىقتىق. جاۋاپكەر ** دەلونى جاي ءتارتىپپەن قاراۋعا قوسىلدى.

زاڭ بويىنشا تومەندەگىدەي قىلمىس فاكىتى انىقتالدى:

2017-جىلى كۇز مەزگىلىندە، جاۋاپكەر ** ءبىر دانا قۇرالمەن ەكى تال وقتى(كەلۋ قاينارى بەلگىسىز) ءوز ءۇيىنىڭ جاتىن بولمەسىندەگى توسەكتىڭ استىنا جاسىرىپ قويعان. بۇل قۇرالمەن وق 2019-جىلى 1-ايدىڭ 17-كۇنى قوعام حاۋىپسىزدىك ورگانى جاعىنان زاڭ بويىنشا ۇستاپ قالىنعان. 

شينجياڭ ۇيعۇر اۆتونوميالى رايوندىق قوعام حاۋىپسىزدىك مەڭگەرمەسى زاتتىق سپاتتارعا ساراپتاۋ جاساۋ ورتالىعى ساراپتاۋ ارقىلى، ساراپتاۋعا بەرىلگەن 20195_9_JC1 ءنومىرلى قۇرال تارىزدەس قۇرالدى وق-ءدارىنى قوزعاۋشى كۇش ەتەتىن ەلىمىزدە وندىرىلگەن “جيان ۆي” ماركالى ارناۋلى كىشكەنە تۇتىكتى  سپورت قۇرالى؛ ساراپتاۋعا بەرىلگەن 20195_33_JC1 ءنومىرلى ەلىمىزدە وندىرىلگەن ارناۋلى 5.6 ميلليمەترلىك كىشكەنە تۇتىكتى سپورت ناگاننىڭ ۇزىن وعى دەپ ساراپتاعان.

جٶعارداعى قىلمىس فاكتىن: جازباشا سپاتتار؛ ايعاق **، **، **نىڭ كۋالىگى؛ جاۋاپكەر **نىڭ مويىنداۋى؛ شينجياڭ ۇيعۇر اۆتونوميالى رايوندىق قوعام حاۋىپسىزدىك مەڭگەرمەسى زاتتىق سپاتتارعا ساراپتاۋ جاساۋ ورتالىعىنىڭ قۇرال-جاراق، وق-ءدارى ساراپتاۋ پىكىرى؛ ناق مايدان تەكسەرۋ قىزمەت ەستەلىگى، قاريتاسى جانە راسىمى، ناق مايدان انىقتاۋ ەستەلىگى جانە راسىمدەرى، تانىتۋ ەستەلىگى جانە راسىمى، ۇستاپ قالۋ ەستەلىگى؛ دىبىس-كەسكىن ماتەريالى قاتارلى دالەل-سپاتتارمەن تۇراقتاندىرۋعا بولادى. 

جوعارداعى دالەل-سپاتتار زاڭدى تۇردە الىنعان، مازمۇنى وبيەكتيۆ شىندىق، ايىپتاعان قىلمىس فاكىتىن ابدەن تۇراقتاندىرۋعا بولادى. جاۋاپكەر ** ايىپتاعان قىلمىس فاكىتىمەن دالەل-سپاتقا قاراتا پىكىرى جٶق، ءارى ەرىكتى تۇردە قىلمىسىن تانىپ جازاعا مويىنسال بولدى.

مەكەمەمىز مىناداي دەپ قارايدى: جاۋاپكەر ** قۇرال-جاراق ۇستاۋ تولىمدىلىعى جٶق بولا تۇرا، قۇرال-جاراق ەكەنىن ءبىلىپ تۇرىپ زاڭسىز تۇردە ۇستاعان. جاۋاپكەر **نىڭ بۇل ارەكەتى «جۇڭحۋا حالىق رەسپۋبليكاسى قىلمىستىق ىستەر زاڭى» نىڭ 128-تارماعىنا قايشىلىق جاساعان. دەلونىڭ فاكىتى انىق، دالەل-سپاتى تولىق. زاڭسىز تۇردە قۇرال-جاراق ۇستاۋ قىلمىسىمەن جاۋاپكەر **نىڭ قىلمستىق ستەر جاۋاپكەرشىلىگىن قۋزاستىرۋ كەرەك. جاۋاپكەر ** ەرىكتى تۇردە قىلمىسىن تانىپ جازاعا مويىنسال بولدى. سوندىقتان جاۋاپكەر **نا التى ايدان ءبىر جىل التى اي ارالىعىندا مەرزىمدى قاماق جازاسىن بەرۋدى ۇسىنىس ەتەمىز. <<جۇڭحۋا حالىق رەسپۋبليكاسى قىلمىستىق ىستەر ارىز-شاعىم زاڭى>> نىڭ 176-تارماق 1-تارماقشاسنىڭ بەلگىلەمەسىنە نەگىزدەلىپ مەكەمەلەرىڭىزگە ايىپتاۋعا جولدادىق، زاڭ بويىنشا جازالاۋلارىڭىزدى سۇرايمىز.

قۇرمەتپەن :

شينجياڭ ساۋان اۋداندىق حالىق سوت مەكەمەسىنە

  پروكۋرور: ساۋلەت   

            

2020-جىلى 5-ايدىڭ 22-كۇنى

قوسىمشا :

1) جاۋاپكەر ** قازىر قوعامدا، قازىرگى تۇرعان ورنى: شينجياڭ ساۋان اۋدانى ** اۋىلى ** قىستاعى **-گىرۋپپا **-ءنومىر، بايلانىس ءنومىرى: ********137؛

2) ەكى توم دەلو ارحيۆى؛

3) ءبىر پارشا << قىلمىسىن تانىپ جازاعا مويىنسال بولعاندىعى جٶنىندەگى قولحات>>؛

4) ءتورت پارشا ايىپتاۋناما.