起诉书（被告人阿某某涉嫌危险驾驶）(公开版)

شيىنجياڭ موري قازاق اۆتونوميالى اۋداندىق حالىق پىروكۋراتۋراسىنىڭ ايىپتاماسى

                              م پ ب ب ق ا〔〔2020〕〕95 -ٴنومىرلى 

 

ايىپكەر ٴاXX، ەر، **-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى: 1573********652328، قازاق، باستاۋىش مەكتەپ ماعلۇماتتى، مالشى، شينجياڭ موري اۋدانى ** اۋىلىنىڭ تۇرعىنى، قازىر ** اۋىلى ** قىستاعىندا **-ءٴنومىرلى ۇيدە وتىرادى. اۆتوكولىكتى حاۋىپتى جۇرگىزۋ قىلمىس كۇمانىمەن 2020-جىلى 10-ايدىڭ 4-كۇنى موري اۋداندىق قوعام حاۋىپسزدىگى مەكەمەسىنىڭ بەكىتۋىمەن كەپىلگە بەرىلگەن، وسى جىلى 11-ايدىڭ 20-كۇنى مەكەمەمىزدىڭ بەكىتۋىمەن قايتالاي كەپىلگە بەرىلگەن.                              .  
     بۇل دەلونى موري اۋداندىق قوعام حاۋىپسىزدىگى مەكەمەسى بارلاۋىن اياقتاتىپ، ايىپكەر ٴاXXدى اۆتوكولىكتى حاۋىپتى جۇرگىزۋ قىلمىسىنىڭ كۇماندىسى دەپ قاراپ، 2020-جىلى 10-ايدىڭ 19 -كۇنى مەكەمەمىزدىڭ تەكسەرىپ ايىپتاۋىنا جولداعان، مەكەمەمىز دەلونى تاپسىرىپ العاننان كەيىن وسى ايدىڭ 20-كۇنى ايىپكەرگە اقتاۋشى ۇسىنىس ەتۋگە ۇقىقتى ەكەندىگىن ۇقتىرىپ، قىلمىسىن مويىنداۋ، جازاسىن تانۋ حاتىنا قول قويدىردىقء، ايىپكەردى سۇراق قىلىپ بارلىق دەلو ماتەريالىن تەكسەرىپ شىقتىق. 

   زاڭ بويىنشا تەكسەرىپ انىقتاۋىمىزشا: 

     2020 -جىلى 9-ايدىڭ  5-كۇنى ساعات 17 مولشەرىندە، ايىپكەر ٴاXX ماس بولىپ ،  新B*****ٴنومىرلى ەكى شاقتى موتوسيكىلدى موري اۋدانى ولكە جولى S228 لەنياسىمەن وڭتۇستىكتەن سولتۇستىككە قاراي جۇرگىزىپ،  316كيلومەتىر +  200مەتىر جول بولەگىنە كەلگەندە، قوعام حاۋىپسىزدىگى مەكەمەسى قاتىناس ساقشىلارى جاعىنان ۇستالعان. شينجياڭ قاتىناس عىلىم تەحنيكا زەرتتەۋ ٴادىليالىق ساراپتاۋ ورتالىعىنىڭ〔2020〕   **-ٴنومىرلى ساراپتاماسىندا ايىپكەردىڭ قانىنداعى ىسپەرتتىڭ مولشەرى 128mg/100mLدەپ تۇراقتاندىرىلعان .

  جوعارداعى پاكىتتى تۇراقتاندىرۋداعى دالەل-ىسپاتتار:

      زاتتىق ىسپات: ايىپكەر دەلو تۋدىرعاندا جۇرگىزگەن ەكى شاقتى موتوسيكىل؛ جازبا ىسپات:  ايىپكەردىڭ نوپوس انىقتاماسى، ازاماتتىق كۋالىگىنىڭ، موتوسيكىل جۇرگىزۋ كىناشقاسىنىڭ كوبەيتىلگەن نۇسقاسى، موتورلى كولىكتىڭ، موتورلى كولىكتى جۇرگىزۋشىنىڭ ينفورماتسياسىن انىقتاۋ كەستەسى؛  ايىپكەردى دەلوعا الۋ بارىسى، قىلمىسىن تانۋ جازاسىن مويىنداۋ حاتى؛ ايعاق جXXنىڭ كۋالىگى؛ ايىپكەر ٴاXXدىڭ  مويىنداۋى مەن ٴوزىن اقتاۋى؛ ساراپتاۋ پىكىرى:قانىنداعى ىسپەرت قۇرامىن، نەسەپ قۇرامىندا حىرويىن، ناشا، مورفي قاتارلى ۋلى شەگىمدىك تۇتىنعان احۋالى بار -جوقتىعىن ساراپتاۋى؛ كورۋ ماتەريالدارى:  ايىپكەر ۇستالعانداعى  ناق مايدان، قانىن ۇرلەتىپ تەكسەرگەندەگى، موري اۋداندىق حالىق دوقدىرحاناسىندا قان العانداعى، قاندى پەشەتتەگەندەگى بارىستارىنىڭ كەسكىنى .

مەكەمەمىز بىلاي دەپ قارايدى: ايىپكەر ٴاXXدىڭ جول-قاتىناس زاڭ-ەرەجەلەرىنە قايشىلىق جاساپ، جولدا ماس بولىپ موتورلى كولىك جۇرگىزگەن ارەكەتى«جۇڭحۋا حالىق رەسپۋبليكاسى قىلمىستى ىستەر زاڭى»نىڭ 133-تارماق 1-تارماقشاسىنا قايشى، دەلو تۋىلعاننان كەيىن قىلمىسىن قاز -قالپىندا تاپسىرعان ارەكەتى«جۇڭحۋا حالىق رەسپوبليكاسى قىلمىسىتى ىستەر زاڭىنىڭ» 67 -تارماعىنىڭ 3 -تارماقشاسىنا ۇيلەسەدى، زاڭ بويىنشا جەڭىلدەتىپ جازالاۋعا بولادى. قىلمىسىن مويىنداپ جازاسىن تانىعان ارەكەتى«جۇڭحۋا حالىق رەسپوبليكاسى قىلمىستى ىستەر ارىز -شاعىم زاڭى » نىڭ 15- تارماعىنا ۇيلەسەدى، زاڭ بويىنشا كەڭشىلىكپەن جازالاۋعا بولادى. قىلمىس فاكىتى انىق، دالەل -ىسپاتى تولىق، اۆتوكولىكتى قاۋىپتى جۇرگىزۋ قىلمىسى بويىنشا قىلمىستى ىستەر جاۋاپكەرلىگىن قۋزاۋ كەرەك. ايىپكەرگە 1 اي قولدا ىستەتۋ جازاسىن بەرىپ،قوسىمشا 2000 يۋان ايىپ تارتتىرسا بولادى دەپ قاراپ «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 176-تارماعىنىڭ بەلگىلەمەسىنە ساي زاڭ بويىنشا جازا بەرۋلەرىڭىزگە ايىپتادىق.

قۇرمەتپەن:

   موري قازاق اۆتونوميالى اۋداندىق حالىق سوت مەكەمەسىنە

                     
                             
                            پروكۋرور :ٴساليما  

                                     2020-جىلى 11-ايدىڭ 12-كۇنى

  قوسىمشا:

1.ايىپكەر ٴاXX كەپىلگە بەرىلگەن، قازىر ** اۋىلى **قىستاعىندا **-ءٴنومىرلى وتىرادى. بايلانىس تەلەفونى: *********** . 

2.بارلاۋ دەلو ماتەريالى ٴبىر تۇپتەم(55بەت)،سۇراق ماتەريالى 1 نۇسقا، قىلمىسىن مويىنداپ جازاسىن تانۋ حاتى 1 پارشا.