起诉书（巴某某贪污、挪用公款、受贿案）(公开版)

كوكتوعاي اۋداندىق حالىق پروكۋراتۋراسىنىڭ

ايىپتاۋى

 

                                       ك ا پ ا ق ا ( 2020 )224–ءنومىرلى 

جاۋاپكەر باقىت ورازقان ۇلى، **19–جىلى **–ايدىڭ **–كۇنى تۋىلعان، ازاماتتىق كۋالىك ءنومىرى ********65262319، قازاق، تولىق كۋرىس ماعۇلماتتى، بۇرىن كوكتوعاي اۋداندىق مال شارۋاشىلىق مال دارىگەرلىك فونكتىنىڭ ورىنباسار فونكت باستىعى، كوكتوعاي اۋداندىق اۋىل شارۋاشىلىق مەكەمەسى مال شارۋاشىلىق قىزمەت فونكتىنىڭ كادىرى بولعان، مەكەنى كوكتوعاي اۋدانى، قازىر كوكتوعاي اۋدانى ** قالاشىعى ** تۇرعىندار رايونى ** ۇيدە تۇرادى. قياناتشىلدىق، ۇكىمەت اقشاسىن جوتكەپ ىستەتۋ، پارا الۋ قىلمىس كۇمانىمەن، 2020–جىلى 9–ايدىڭ 4–كۇنى كوكتوعاي اۋداندىق باقىلاۋ – تەكسەرۋ كوميتەتىنىڭ ۇيعارۋىمەن الىپ قالۋ شاراسى قولدانعان؛ 2020-جىلى 10-ايدىڭ 25-كۇنى مەكەمەمىزدىڭ ۇيعارۋىمەن، كوكتوعاي اۋداندىق قوعام حاۋىپسىزدىك مەكەمەسى قىلمىستى ىستەرمەن توقتاتۋدى اتقارعان؛ 2020–جىلى 11–ايدىڭ 4–كۇنى مەكەمەمىزدىڭ ۇيعارۋىمەن، سول كۇنى كوكتوعاي اۋداندىق قوعام حاۋىپسىزدىك مەكەمەسى قولعا الۋدى اتقارعان.

بۇل دەلونى كوكتوعاي اۋداندىق باقىلاۋ-تەكسەرۋ كوميتەتى تەكسەرۋىن اقىرلاستىرىپ، جاۋاپكەر باقىتتى قياناتشىلدىق، ۇكىمەت اقشاسىن جوتكەپ ىستەتۋ، پارا الۋ قىلمىس قىلمىس كۇمانىمەن، 2020–جىلى 10–ايدىڭ 25–كۇنى مەكەمەمىزگە تەكسەرىپ ايىپتاۋعا جولداعان. مەكەمەمىز قابىلداعاننان كەيىن، 2020-جىلى 10–ايدىڭ 26-كۇنى جاۋاپكەر باقىتقا اقتاۋشى الۋعا ۇقىقتى ەكەندىگىن جانە قىلمىسىن تانىپ جازاسىنا مويىنسال بولۋدىڭ زاڭدىق  زاردابىن ۇقتىردىق، زاڭ بويىنشا جاۋاپكەر باقىتتى تەرگەپ، جاۋاپكەردىڭ جانە اقتاۋشىنىڭ پىكىرىن تىڭداپ، بارلىق دەلو ماتەريالىن تەكسەردىك. 

زاڭ بويىنشا تەكسەرىپ انىقتاۋىمىزدا :

ءبىرىنىشى، قياناتشىلدىق قىلمىس فاكتى

2011-جىلى 4-ايدان 2017-جىلى 2-ايعا دەيىن، جاۋاپكەر باقىت ورازقان ۇلى كوكتوعاي اۋداندىق مال شارۋاشلىق مال دارىگەرلىك فونكيتىنىڭ ورىنباسار فونكت باستىعى، كوكتوعاي اۋدانى التاي قويىن جەتسىتىرۋ قوعامنىڭ باس حاتشىسى بولىپ تۇرعان كەزىندە، ءوزىنىڭ جاپسىرما قاراجاتتان يگىلىكتەنۋگە بولمايتىندىعىن بىلە تۇرا، قىزمەت قولايلىلعىنان پايدالانىپ، باسقالاردىڭ اتىن جامىلىپ مەملەكەتتىڭ، جەرگىلىكتى ورىننىڭ جاپسىرما قاراجاتىن الداپ الۋ، قىمقىرىپ الۋ تاسلدەرىمەن، 1625200 يۋان (1 ميليون 625 مىڭ 200 يۋان) جالپىنىڭ مال-مۇلىكىن زاڭسىز يەمدەنىپ العان، ناقتىلى قىلمىس فاكتى تومەندەگدەي:

(1) 2011-جىلى 4-ايدا، جاۋاپكەر باقىت پايدا تابۋ ماقساتىندا، كوكتوعاي اۋداندىق اۋىل قسىتاق امانات قارىز كوپەراتيۆىنەن 1 ميليون يۋان قارىز اقشا الىپ، مالشى مۇ** قاتارلى ادامدارعا تاپسىرۋ ارقىلى وزىنە 750 باستىڭ ۇسىتىندە قوشقار ساتىپ الدىرىپ باقتىرعان. 2013-جىلى 1-ايدا، جاۋاپكەر باقىت ساراپتاۋدان ءوتىپ ساتىلعان 700 باس قوشقاردىڭ، مەملەكەت جاعىنان ءار باسىنا 800 يۋاننان بەرىلەتىن ءناسىلدى تۇقىم جاپسىرما قاراجاتى جالپى 560 مىڭ يۋاندى تى** ، ا** ، تو** ، نۇر** ، حا** نىڭ اتىندا الداپ العان.

(2) 2013-جىلى 8-ايدا، جاۋاپكەر باقىتتىڭ باسقالارعا باقتىرعان 500 باس قوشقارىنىڭ ىشىندە 412 باس قوشقارى ساراپتاتۋدان ءوتىپ باسقا ايماقتارعا ساتىلعان. 2013-جىلى 12-ايدا، جاۋاپكەر باقىت وسى 412 باس قوشقارعا مەملەكەت جاعىنان ءار باسىنا 800 يۋاننان بەرىلەتىن ءناسىلدى تۇقىم جاپسىرما قاراجاتى جالپى 329600 يۋاندى تى** اتىندا الداپ العان.

(3) 2014-جىلى 5-ايدا، جاۋاپكەر باقىت پەن مالشى تا** بىرلەسىپ باقتىرعان 630 باس قوشقار ساراپتاۋدان ءوتىپ ساتىلىپ، بۇنىڭ ىشندە جاۋاپكەر باقىتقا تاۋەلدى قوشقار 285 باس بولعان. 2014-جىلى 9-ايدان 2015-جىلى 1-ايعا دەيىن، جاۋاپكەر باقىت تا** اتىندا، كوكتوعاي اۋدانى ىشندە ساتىلعان 265 باس قوشقارعا ءار باسىنا 1000 يۋاننان بەرىلەتىن “شەگارانى گۇلدەندىرىپ، حالىقتى اۋقاتتاندىرۋ” كەدەيلەردى سۇيەمەلدەۋ جاپسىرما قاراجاتىنان جالپى 265 مىڭ يۋان الداپ العان؛ 2014-جىلى 12-ايدا جاۋاپكەر باقىت 285 باس قوشقاردىڭ مەملەكەت جاعىنان ءار باسىنا 800 يۋاننان بەرىلەتىن ءناسىلدى تۇقىم جاپسىرما قاراجاتىنان جالپى 228 مىڭ يۋاندى تى** اتىندا الداپ العان، جوعارىداعى ەكى تۇردەگى سوما جيىنى 493 مىڭ يۋان.

(4) 2016-جىلى 3-ايدا، جاۋاپكەر باقىت 2015-جىلى ** اۋىلدىعىنا ساتىپ بەرگەن 102 باس قوشقاردىڭ، مەملەكەت جاعىنان ءار باسىنا 800 يۋاننان بەرىلەتىن ءناسىلدى تۇقىم جاپسىرما قاراجاتىنان جالپى 81600 يۋاندى تى** اتىندا الداپ العان؛ 2017-جىلى 2-ايدا، جاۋاپكەر باقىت جوعارىداعى 102 باس قوشقاردىڭ جەرلىك قازىنا جاعىنان ءار باسىنا 500 يۋاننان بەرىلەتىن ءناسىلدى قوشقار تولىقتاۋ كومەك قاراجاتىنان جالپى 51000 يۋاندى تى** اتىندا الداپ العان، جوعارىداعى ەكى تۇردەگى سوما جيىنى 132600 يۋان.

(5) 2014-جىلى 11-ايدا، كوكتوعاي اۋداندىق مال شارۋاشلىق مال دارىگەرلىك فونكتى 500 مىڭ يۋان ءناسىلدى سيىر جاپسىرما قاراجاتىن كوكتوعاي اۋدانى**اۋىلدىق ** باعىمشىلىق سەلبەستىك كوپەراتيۆى ەسەبىنە اۋدارىپ، سەلبەستىك كوپەراتيۆى يگىلىكتەنۋگە ءتيسىتى 290 مىڭ يۋان جاپسىرما قاراجاتىن تارتىپ قالعاننان كەيىن، قالعان 210 مىڭ يۋان جاپسىرما قاراجاتىن جاۋاپكەر باقىتقا اۋدارىپ بەرۋدى تاپسىرعان، جاۋاپكەر باقىت بۇل جاپسىرما قاراجاتتاردى شينجياڭ قوڭىر سيرىن ساتىپ العان باعىمشىلىق وتباسىلارىنا تاراتىپ بەرۋگە جاۋاپتى بولعان. 2014-جىلى 11-ايدىڭ 26-كۇنى نۇرلى سەلبەستىك كوپەراتيۆى بۇل 210 مىڭ يۋان قاراجاتتى جاۋاپكەرگە اۋدارىپ بەرىپ، جاۋاپكەر باقىت بۇنىڭ ىشىندەگى 100 مىڭ يۋان جاپسىرما قاراجاتىن باعىمشىلىق وتباسى ا**نىڭ ىلەدەن سير ساتىپ العانداعى قارىزىنا قايتارىپ، قالعان 110 مىڭ يۋان جاپسىرما قاراجاتتى ءوزى يەمدەنىپ، جەكەلىك قارىزىن قايتارعان. 2016 - جىلى 5-ايدا، اۆتونوميالى رايوندىق قازىنالىق تەكسەرۋ مەڭگەرمەسى جاۋاپكەر باقىتتىڭ بۇل 110 مىڭ يۋان قاراجاتتى جەكە پايدالانعانىن بايقاعاننان كەيىن، سول جىلى 7-ايدا جاۋاپكەر باقىت ءوزىنىڭ تۋىسى بە**نىڭ يگىلىكتەنگەن كوپەراتيۆ قۇرىلىس جاپسىرما سوماسىنان 110 مىڭ يۋاندى شىعارىپ، كوكتوعاي اۋداندىق مال شارۋاشىلىق مال دارىگەرلىك فونكتىنا قايتارىپ بەرگەن. 

جوعارداعى فاكتتەردى تۇراقتاندىرۋداعى دالەل-ىسپاتتار :

 1. جازبا ىسپات: دەلوعا الىنۋ احۋالىنا تۇسىنىك، نوپوس انىقتاماسى، كادىرلار ءانكىتى، كوكتوعاي اۋداندىق مال شارۋاشىلىق مال دارىگەرلىك مەكەمەسىنىڭ (2006)1-ءنومىرلى مىندەتكە تاعايىنداۋ ۇقتىرۋى، جىلدىق باعالاۋ تىزىمدەۋ كەستەسى، كوكتوعاي اۋداندىق باقىلاۋ تەكسەرۋ كوميتەتىنىڭ (2018)3-ءنومىرلى مىندەتتەن الىپ تاستاۋ ۇيعارىمى، كوكتوعاي اۋداندىق قۇرىلىم ىشتات كوميتەتىنىڭ انىقتاماسى جانە (2010)1-ءنومىرلى كوكتوعاي اۋندىق مال قۇس جەتىستىرۋ ورتالىعىن قۇرۋ جونىندەگى ۇقتىرۋى، كوكتوعاي اۋدانى التاي قويىن جەتىستىرۋ قوعامىنىڭ ءبىرىنشى رەتكى مۇشە ۋاكىلدەر جينالىسىنىڭ قارارى، باقىت ورازقان ۇلىنىڭ قىزمەت ءبولىسى جونىندەگى تۇسىنىك،اۋىل شارۋاشىلىعى مينستىرلىگى،قازىنا مينستىرلىگىنىڭ (2009) 105-ءنومىرلى حۇجاتى، اۋىل شارۋاشىلىق مەڭگەرمەسىنىڭ (2011)74 - ءنومىرلى حۇجاتى، اۆتونوميالى رايوندىق كەدەيلەردى سۇيەمەلدەۋ ارناۋلى قازىنا قاراجاتى نىسانىنىڭ جاپسىرما قاراجات ولشەمى، كوكتوعاي اۋداندىق كوميتەتى (2014)8-ءنومىرلى جيىن تۇيىندى مازمۇنى، التاي قويى ءناسىلدى تۇقىم جاپسىرما قارجىسىن بوساتۋ جونىندەگى ءوتىنىش، اۆتونوم رايوندىق ەتتى قوي، ەتتى سير ءوندىرىسىن دامىتۋعا جاردەم بەرۋ وبيەكتىسىن جاقسى ىستەۋ تۋرالى ۇقتىرۋ، كوكتوعاي اۋدانىنىڭ 2014-جىلعى قازىنالىق ورنالاستىرعان تۇيىندى وبيەكتىلەردى الىپ بارۋ جوسپار گراپپاسى، 2012-، 2013-، 2014-، 2015-جىلعى كوكتوعاي اۋدانى ءناسىلدى قوشقار جاپسىرما قاراجاتىن تاراتۋ گراپپاسى، 2014-جىلعى ۇلت-ءدىن ىستەر كوميتەتىنىڭ ءناسىلدى قوشقار جاپسىرما قاراجاتىن تاراتۋ گراپپاسى، كوكتوعاي اۋدانى التاي قويىن جەتىستىرۋ قوعامىنىڭ بۇقالتىرلىق داكمونتى، كوكتوعاي اۋداندىق مال شارۋاشىلىق مال دارىگەرلىك فونكتىنىڭ بۇقالتىرلىق داكمونتى، تۇرعىن اۋىلدىعى نۇرلى باعىمشىلىق سەلبەستىك كوپەراتيۆىنىڭ بۇقالتىرلىق داكمونتى، قازىنالىق باقىلاۋ قىزمەتىنىڭ ءتۇپ ماتەريالى جانە تەكسەرۋ ەستەلىگى،   باقىت، تى**، حا**، ا**، نۇ**، ۋا**دىڭ بانكە ناقتى ەسەبى، ۇڭ** اتىنداعى كەلسىم حات، و** اتىنداعى انىقتاما، باعىمشىلىق قوراسىم سالۋ توقتامى؛ 2. ايعاق مۇ**، ار**، تو**، ا**، ا**، نۇ**، ما**، با**، حا**، تى**، ۇڭ**، تا**، تا**، سە**، جەڭ**، جا**، نۇ**، ا**، سە**، ءبا**، جە**، ەر**، ۋان **، و**، ەر**، قا**، قابى**، ا**، سا**، ا** قاتارلىلاردىڭ كۋالىك ءسوزى؛ 3. جاۋاپكەر باقىت ورازقان ۇلىنىڭ مويىنداۋى جانە قولجازبا تۇسىنكتەمەسى.

ەكىنشى،  ۇكىمەت اقشاسىن جوتكەپ ىستەتۋ قىلمىس فاكتى 

2011-جىلى 4-ايدا، جاۋاپكەر باقىت پايدا تابۋ ماقساتىندا، كوكتوعاي اۋداندىق سەنىمدى امانات قارىز كوپەراتيۆىنەن 1 ميليون يۋان قارىز الىپ، قوشقار باعىمشىلىعىمەن شۇعىلدانعان. 2012-جىلى 9-ايدىڭ 11-كۇنى جاۋاپكەر باقىت قىزمەت قولايلىلعىنان پايدالانىپ، كوكتوعاي اۋدانى التاي قوي جەتىستىرۋ قوعامىنان، قوشقار باعىمشىلىعىمەن شۇعىلداناتىن وتباسىلارعا تاراتۋعا ءتيستى ءناسىلدى تۇقىم جاپسىرما قاراجاتىنان 500 مىڭ يۋاندى جوتكەپ ىستەتىپ، ءوزىنىڭ كوكتوعاي اۋداندىق سەنىمدى امانات قارىز كوپەراتيۆىنەن العان جەكەلىك قارىزىن قايتارعان. 2012-جىلى 9-ايدان 2017-جىلى 3-ايعا دەيىن، جاۋاپكەر باقىت جوتكەپ ىستەتكەن 500 مىڭ يۋان ۇكىمەت اقشاسىن ىلگەرىندى-كەيىندى قايتارعان. 

جوعارداعى فاكتتەردى تۇراقتاندىرۋداعى دالەل-ىسپاتتار :

1. جازبا ىسپات: جاۋاپكەر باقىتتىڭ بانكە ناقتى ەسەبى، امانات قارىز كوپەراتيۆىنىڭ اقشا وتكەرمەلەۋ داكمونتى، اقشا شىعارۋ داكىمونتى، التاي قويىن ساتىپ الۋ قارجىسىن الدىن الا قارىزعا الۋ تۋرالى دوكىلاتى جانە توقتامى، باقىت اتىنداعى قولحات، اقشا وتكەرمە چەگى، كوكتوعاي اۋدانى التاي قويىن جەتىستىرۋ قوعامىنىڭ 2012-، 2013-، 2016-، 2017-جىلعى بۇقالتىرلىق داكمونتى، شىڭگىل اۋداندىق مال شارۋاشىلىق مال دارىگەرىلىك فونكتىنىڭ 2012-جىلعى بۇقالتىرلىق داكمونتى جانە قاتىستى حۇجاتى؛ 2. ايعاق جا**، ا**، ۇ**، يۇ**، جا**تىڭ كۋالىك ءسوزى؛ 3. جاۋاپكەر باقىت ورازقان ۇلىنىڭ مويىنداۋى جانە قولجازبا تۇسىنكتەمەسى.

ءۇشىنشى، پارا الۋ قىلمىس فاكتى

2009-جىلى 10-ايدا، كوكتوعاي اۋدانى ** اۋىلدىعىنداعى قوشقار باعىلمشىلىعىمەن شۇعىلداناتىن مۇ**، جاۋاپكەر باقىتتىڭ ءوزىنىڭ باعىمشىلىق جانە قوشقاردى ساراپتاتۋ بارىسىنداعى كومەگىنە العىس ايتۋ ءۇشىن، جاۋاپكەر باقىتقا ساراپتاۋدان وتكەن 60 باس قوشقارعا مەملەكەت جاعىنان بەرىلەتىن ءناسىلدى تۇقىم جاپسىرما قاراجاتى جالپى 48 مىڭ يۋاندى بەرۋگە ۋادە بەرگەن، بۇعان جاۋاپكەر باقىت ماقۇل بولىپ 2010-جىلى 4-ايدا باقىت ءوز اتىندا كوكتوعاي اۋداندىق قوي جەتىستىرۋ قوعامىنان بۇل جاپسىرما قاراجاتتى العان. 

جوعارداعى فاكتتەردى تۇراقتاندىرۋداعى دالەل-ىسپاتتار :

1. جازبا ىسپات: ءناسىلدى قوي جاپسىرما قاراجاتىن الۋ تۋرالى دوكىلاتى ، جوعارىدان تۇسىرىلگەن ءناسىلدى قوشقار جاپسىرما قاراجاتىن تاراتۋ گراپپاسى، ناق اقشا چەگى، كوكتوعاي اۋدانى التاي قويىن جەتىستىرۋ قوعامىنىڭ بۇقالتىرلىق داكمونتى؛ 2. ايعاق مۇ** نىڭ كۋالىك ءسوزى؛ 3. جاۋاپكەر باقىت ورازقان ۇلىنىڭ مويىنداۋى جانە قولجازبا تۇسىنكتەمەسى.

جوعارىداعى دالەل – ىسپاتتاردىڭ كەلۋ قاينارى مەن دالەل-ىسپاتتاردى جيناۋ ءتارتىبى زاڭدى، دالەل-ىسپاتتاردىڭ مازمۇنى وبيەكتيۆ شىندىق، بۇل دەلونىڭ فاكتىن تولىق تۇراقتاندىرىپ بەرە الادى. جاۋاپكەردىڭ ايىپتالعان قلمىس پاكىتى مەن دالەل–ىسپاتتارعا بوگدە پىكىرى جوق، وزدىگىنەن قىلمسىن تانىپ جازاسىنا مويىنسال بولعان.   

مەكەمەمىز بىلاي دەپ قارايدى: جاۋاپكەر باقىت ورازقان ۇلىنىڭ مەملەكەت قىزمەتكەرى بولا تۇرا، قىزمەت قولايلىلعىنان پايدالانىپ، ۇكىمەت اقشاسىن كوپ رەت الداپ الىپ زاڭسىز يەمدەنگەن، جالپى سوماسى 1625200 يۋان بولىپ، سان–سوماسى كوپكە جاتادى، جاۋاپكەردىڭ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى»نىڭ 382-تارماق 1-ابزاتىس، 383-تارماق بەلگىلەمەسىنە قيعاشتىق جاساپ، قياناتشىلدىق قىلمىسىن قالپتاستىرعان، قىلمىس فاكتى ايقىن، دالەل -ىسپاتتارى شىن جانە تولىق، قياناتشىلدىق قىلمىسىمەن جاۋاپكەردىڭ قىلمىستى ىستەر جاۋاپكەرشىلىگى قۋزاستىرىلۋعا ءتىيستى. جاۋاپكەر باقىت قىزمەت قولايلىلعىنان پايدالانىپ، ۇكىمەت اقشاسىن پايدا ءتۇسىرۋ جۇمىستارىنا جوتكەپ ىستەتىپ، جالپى سوماسى 500 مىڭ يۋان بولىپ، سان–سوماسى ءبىر شاما كوپكە جاتادى، جاۋاپكەردىڭ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى»نىڭ 384-تارماق بەلگىلەمەسىنە قيعاشتىق جاساپ، ۇكىمەت اقشاسىن جوتكەپ ىستەتۋ قىلمىسىن قالپتاستىرعان، قىلمىس فاكتى ايقىن، دالەل -ىسپاتتارى شىن جانە تولىق، ۇكىمەت اقشاسىن جوتكەپ ىستەتۋ قىلمىسىمەن جاۋاپكەردىڭ قىلمىستى ىستەر جاۋاپكەرشىلىگى قۋزاستىرىلۋعا ءتىيستى. جاۋاپكەر باقىت قىزمەت قولايلىلعىنان پايدالانىپ، باسقالاردىڭ بەرگەن اقشاسىن زاڭسىز تۇردە قابىلداپ، ولارعا پايدا جەتكىزگەن، جالپى سوماسى 48 مىڭ يۋان بولىپ، سان–سوماسى ءبىر شاما كوپكە جاتادى، جاۋاپكەردىڭ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى»نىڭ 385-تارماق 1-ابزاتىس، 386-تارماق بەلگىلەمەسىنە قيعاشتىق جاساپ، پارا الۋ قىلمىسىن قالپتاستىرعان، قىلمىس فاكتى ايقىن، دالەل -ىسپاتتارى شىن جانە تولىق، پارا الۋ قىلمىسىمەن جاۋاپكەردىڭ قىلمىستى ىستەر جاۋاپكەرشىلىگى قۋزاستىرىلۋعا ءتىيستى. جاۋاپكەر باقىت ۇكىم جاريالانۋدان بۇرىن ءبىر ءوزى بىرنەشە قىلمىس وتكىزگەن، «جۇڭحۋا حالىق رەسپۋبليكاسى قىلمستى ىستەر زاڭى»نىڭ 69-تارماق بەلگىلەمەسىنە ساي، زاڭ بويىنشا قىلمىستارىن قوسىپ جازالاۋعا تيىستى. جاۋاپكەر باقىت دەلوعا الىنعاننان كەيىن، زاڭ ورگاندارى يەلەمەگەن پارا الۋ قىلمىس فاكتىن ىرىقتى تۇردە تاپسىرعان، ءوزىن مالىمدەۋگە جاتادى، زاڭ ورگاندارى يگەرگەن قياناتشىلدىق جانە ۇكىمەت اقشاسىن جوتكەپ ىستەتۋ قىلمىس فاكتىن قاز-قالپىندا تاپسىرعان، شىنىن ايتۋعا جاتادى، «جۇڭحۋا حالىق رەسپۋبليكاسى قىلمستى ىستەر زاڭى»نىڭ 67-تارماق 2-ابزاتىس، 3-ابزاتىس بەلگىلەمەسىنە ساي، جەڭىل نەمەسە جەڭىلدەتىپ جازالاۋعا بولادى، جاۋاپكەر باقىت قىلمسىن تانىپ جازاسىنا مويىنسال بولعان، «جۇڭحۋا حالىق رەسپۋبليكاسى قىلمستى ىستەر ارىز–شاعىم زاڭى»نىڭ 15-تارماق بەلگىلەمەسىنە ساي، زاڭ بويىنشا كەڭشىلىكپەن ءبىر جايلى ەتۋگە بولادى. سوندىقتان «جۇڭحۋا حالىق رەسپۋبىليكاسى قىلمستى ىستەر ارىز – شاعىم زاڭى »نىڭ 176-تارماق بەلگىلەمەسىنە ساي، زاڭ بويىنشا جازالانۋى ءۇشىن الەۋمەتتىك ايىپتالدى.

 

قۇرمەتپەن:

كوكتوعاي اۋداندىق حالىق سوت مەكەمەسىنە 

                                              پروكۋرور: قايدار 

                                      2020-جىلى 12-ايدىڭ 2-كۇنى

قوسىمشا:

1  . جاۋاپكەر باقىت ورازقان ۇلى قازىر كوكتوعاي اۋداندىق قاماقحانادا قاماۋدا؛

2. دەلو ماتەريالى جانە دالەل-ىسپاتتارى 14 تۇپتەم؛

3. ايعاقتار تىزىمدىگى ءبىر دانا؛

4. جازا ولشەۋ ۇسىنسى ءبىر دانا؛

5. الماستىرىپ قاماۋ كۋالىگى ءبىر دانا؛

6. قىلمسىن تانىپ جازاسىنا مويىنسال بولۋ ۋادە حاتى؛ 

7. قاتىستى زاڭ تارماقتارى:

   

«جۇڭحۋا حالىق رەسپۋبىليكاسىنىڭ قىلمستى ىستەر زاڭى»

67-تارماق 2-ابزاتىس قىلمىس كۇمانى تاعىلعانداردىڭ ماجبۇرلەۋ شارالارى قولدانىلعاندارى، جاۋاپكەر جانە جازاسىن وتەپ جاتقان قىلمىسكەر وزدەرىنىڭ ءادىليا ورگانى ءالى يەلەمەگەن باسقادا قىلمىستارىن قاز-قالپىندا مويىنداسا، ءوزىن مالىمدەگەندەر قاتارىندا قارالادى.

3-ابزاتىس قىلمىس كۇماندىسىندە الدىڭعى ەكى ابزاتىستا بەلگىلەنگەن ءوزىن مالىمدەۋ جايتى جوق بولعانىمەن، الايدا ءوزىنىڭ قىلمىسىن شىنايى تاپسىرعانداردى جەڭىلدەتىپ جازالاۋعا بولادى؛ قىلمىسىن شىنايى تاپسىرعاندىقتان، اۋىر زارداپ تۋىلۋدىڭ الدىن العانداردى، جەڭىلدەتىپ جازالاۋعا بولادى.

69-تارماق ۇكىم جاريالانعانعا دەيىن بىر وزى بىرنەشە قىلمىس وتكىزگەندەردىڭ ولىم جازاسىنا جانە مەرزىمىسز قاماق جازاسىنا كەسىلگەندەرىنەن باسقاسىنا اتقارىلاتىن جازا مەرزىمىن، جاعدايعا قاراي، قىلمىستارىنىڭ جالپى جازا مەرزىمىنەن تومەن، بىرنەشە جازانىڭ جازا مەرزىمىەڭ ۇزاعىنان جوعارى ەتىپ بەلگىلەۋ كەرەك . بىراق باسقارۋعا الۋ ەڭ ۇزاق بولعاندا 3 جىلدان اسىپ كەتسە، قولدا ىستەتۋ ەڭ ۇزاق بولعاندا ءبىر جىلدان اسىپ كەتسە، مەرزىمدى قاماق جازاسى ەڭ ۇزاق بولعاندا 20 جىلدان اسىپ كەتسە بولمايدى .

ەگەر قىلمىستىلارىنىڭ ىشىندە قوسىمشا جازا كەسىلگەندەرى بولسا، قوسىمشا جازا اتقارىلا بەرەدى.

382–تارماق مەملەكەت قىزمەتكەرلەرى قىزمەت قولايلىلعىنان پايدالانىپ، مەملەكەت مەنشىگىندەگى اقشا–مۇلىكتى جەپ كەتسە، ۇرلاسا، الداپ السا نەمەسە باسقادا تاسىلدەرمەن زاڭسىز يەمدەنىپ السا، ول قياناتشلدىق قىلمىسى بولادى.

383–تارماق قياناتشىلدىق قىلمىسىن وتكىزگەندەرگە، ءىسىنىڭ اۋىر–جەڭىلدىگىنە قاراي، جەكە–جەكە تومەندەگى بەلگىلەمەر بويىنشا جازا قولدانىلادى:

(1) قيانات ەتكەن سوماسى ءبىر شاما كوپ نەمەسە باسقالاي ءبىر شاما اۋىر جاعدايى بار بولسا، 3 جىلدان تومەن مەرزىمدى قاماق جازاسى بەرىلىپ، وعان قوسا ايىپ سوما سالىنادى.

(2) قيانات ەتكەن سوماسى كوپ نەمەسە باسقالاي اۋىر جاعدايى بار بولسا، 3 جىلدان جوعارى 10 جىلدان تومەن مەرزىمدى قاماق جازاسى بەرىلىپ، وعان قوسا ايىپ سوما سالىنادى نەمەسە مال – مۇلكى مۇسادىرالاۋعا بولادى .

...................................................................

384-تارماق مەملەكەت قىزمەتكەرلەرى قىزمەت قولايلىلىعىنان پايدالانىپ، جالپىنىڭ اقشاسىن ءوز قاجەتىنە جۇمساپ، زاڭسىز ارەكەتپەن شۇعىلدانۋ نەمەسە جالپىنىڭ ءبىر شاما كوپ اقشاسىن پايدا تاباتىن ىستەرگە جۇمساۋ، يا بولماسا جالپىنىڭ ەداۋىر كوپ اقشاسىن باسقاعا جۇمساپ جىبەرىپ، 3 ايدان اسقانعا دەيىن قايتارماۋ جالپىنىڭ اقشاسىن باسقاعا ىستەتۋ قىلمىسى بولادى، وعان 5 جىلدان تومەن مەرزىمدى قاماق جازاسى نەمەسە قولدا ىستەتۋ جازاسى كەسىلەدى؛ ءىسى اۋىر بولسا، 5 جىلدان جوعارى مەرزىمدى قاماق جازاسى كەسىلەدى. جالپىنىڭ كوپ اقشاسىن باسقاعا جۇمساپ جىبەرىپ قايتارماعاندارعا 10 جىلدان جوعارى مەرزىمدى قاماق نەمەسە مەرزىمسىز قاماق جازاسى كەسىلەدى.

اپاتتان، حاۋىپتەن قۇتقارۋعا، تاسقىننان ساقتانۋعا، ءناپاقاعا، كەدەيلەردى سۇيەمەلدەۋگە، قونىس اۋدارۋعا، جوقشىلىقتان قۇتقارۋعا جۇمسالاتىن اقشانىم زاتتاردى جەكە-قاجەتىنە جۇمساعاندار اۋىر جازالانادى.

385–تارماق مەملەكەت قىزمەتكەرلەرى قىزمەت قولايلىلعىنان پايدالانىپ، باسقالاردان اقشا – مۇلىك سۇراپ السا نەمەسە باسقالارعا بەرگەن اقشا – مۇلىكتى زاڭسىز تۇردە قابىلداپ، ولارعا پايدا جەتكىزۋ پارا الۋ قىلمىسى بولىپ تابىلادى.

386–تارماق پارا الۋ قىلمىسىن وتكىزگەندەر العان پارا سوماسى مەن جاعدايىىنىڭ اۋىر–جەڭىلدىگىنە قاراي، وسى زاڭنىڭ 383–تارماعىنداعى بەلگىلەمەگە ساي جازالانادى . پارا سۇراپ العاندار اۋىر جازالانادى.

«جۇڭحۋا حالىق رەسپۋبىليكاسىنىڭ قىلمستى ىستەر ارىز-شاعىم زاڭى»

15- تارماق قىلمىس كۇماندىسى، جاۋاپكەر ءوز ەركىمەن شىنايى ءوزىنىڭ قىلمىسىن تاپسىرىپ، تۇراقتاندىرعان قىلمىس فاكتىن مويىنداپ، جازالاۋعا ريزا بولسا، زاڭ بويىنشا كەڭشىلىكپەن ءبىر جايلى ەتۋگە بولادى.

176-تارماق حالىق پروكۋراتۋراسى قىلمىس كۇماندىسىنىڭ قىلمىس فاكتى تەكسەرىلىپ انىقتالدى، دالەل- سپاتتارى شىن، تولىق، قىلمستىق ىستەر جاۋاپكەرلىگىن زاڭ بويىنشا قۋزاستىرۋ كەرەك دەپ ەسەپتەگەندە، ايىپتاۋ قارارىن شىعارىپ، سوت جۇرگىزۋ قاراستىلىعى جونىندەگى بەلگىلەمە بويىنشا حالىق سوت مەكەمەسىنە الەۋمەتتىك ايىپتاۋ جۇرگىزۋى ءارى دەلو ماتەريالىن، دالەل- سپاتىن حالىق سوت مەكەمەسىنە جوتكەۋى كەرەك.

جاۋاپكەر قىلمسىن تانىپ جازاسىنا مويىنسال بولسا، حالىق پروكۋراتۋراسى باستى جازا، قوسىمشا جازا، جازاسىن كەشىكتىرىپ اتقارۋى قاتارلى جازا ولشەۋ ۇسنسىن ورتاعا قويىپءارى قىلمسىن تانىپ جازاسىنا مويىنسال بولۋ كەپىلدىك حاتى قاتارلى دالەل – ىسپات ماتەريالدارىن دەلومەن بىرگە جوتكەۋى كەرەك.