كوكتوعاي اۋداندىق حالىق پروكۋراتۋراسىنىڭ
ايىپتاۋى
ك ا پ ا ق ا ( 2019 ) 245–ءنومىرلى
جاۋاپكەر تا***، 1967–جىلى **–ايدىڭ **–كۇنى تۋىلعان، ازاماتتاردىڭ ازاماتتىق كۋالىك ءنومىرى********6526231967، قازاق، باستاۋىش مەكتەپ ماعۇلماتتى، كاسىپسىز، مەكەنى كوكتوعاي اۋدانى، قازىر كوكتوعاي اۋدانى ** قالاشىعى ** تۇرعىندار رايونى **-بينا **-ەسىك **-ۇيدە تۇرادى. ۇرلىق قىلمىسىن وتكىزگەندىگى سەبەپتى، 2006–جىلى 7–ايدا كوكتوعاي اۋداندىق حالىق سوت مەكەمەسى جاعىنان 3 جىل مەرزىمدى قاماق جازاسى بەرىلىپ، 4 جىل كەشىكتىرىلگەن، موتورلى كولىكتى قاتەرلى جۇرگىزۋ قىلمىس كۇمانىمەن 2019-جىلى 7-ايدىڭ 3-كۇنى كوكتوعاي اۋداندىق قوعام حاۋىپىسزدىك مەكەمەسى جاعىنان سوتتاعانعا دەيىن كەپىلگە بەرىلگەن.
بۇل دەلونى كوكتوعاي اۋداندىق قوعام حاۋىپسىزدىك مەكەمەسى بارلاۋىن اقىرلاستىرىپ، جاۋاپكەر تا**تى موتورلى كولىكتى قاتەرلى جۇرگىزۋ قىلمىس كۇمانىمەن، 2019–جىلى 12–ايدىڭ 4–كۇنى مەكەمەمىزدىڭ تەكسەرىپ ايىپتاۋىنا ۇسىنعان. مەكەمەمىز قابىلداعاننان كەيىن، 2019-جىلى 12-ايدىڭ 5-كۇنى جاۋاپكەرگە اقتاۋشى الۋعا ۇقىقتى ەكەندىگىن جانە قىلمىسىن تانىپ جازاسىنا مويىنسال بولۋدىڭ زاڭدىق زاردابىن ۇقتىردىق، سول كۇنى زياندالۋشى ا** مەن شا**عا ارىز-شاعىم جوقشىسىن مىندەتتەۋگە ۇقىقتى ەكەندىگىن ۇقتىردىق، زاڭ بويىنشا جاۋاپكەردى تەرگەپ، جاۋاپكەر، كەزەكشى ادۆاكات جانە زياندالۋشىنىڭ پىكىرىن تىڭداپ، دەلونىڭ بارلىق ماتەريالىن تەكسەردىك، جاۋاپكەر تا** دەلوعا تەز كەسىم جاساۋ ءتارتىبىن قولدانۋعا قوسىلدى.
زاڭ بويىنشا تەكسەرىپ انىقتاۋىمىزدا: 2019-جىلى 6-ايدىڭ 21-كۇنى ساعات 01:12 مولشەرىندە، جاۋاپكەر تا** كوكتوعاي اۋدانى ** قالاشىعى ** ساياجايىندا باسقالار بىرگە اراق ىشكەن سوڭ، ءوزىنىڭ ****新A3 ءنومىرلى كىشى تۇرپاتتى ماشيناسىن ايداپ، ** قىستاعى ** ساياجاينىڭ الدىنداعى جول تۇيلىسىنە كەلگەندە، ا** ايداعان ****新H8 ءنومىرلى ەكى دوڭگەلەكتى موتوتسيكلدى (شا** مىنگەسكەن) سوعىپ كەتىپ، ا** مەن شا** جارالانعان، ەكى كولىك ۇقساماعان دارەجەدە بۇلىنگەن جول قاتىناس شىرعالاڭى تۋىلادى. جول قاتىناس شىرعالاڭىن تۇراقتاندىرۋ قارارىندا: جاۋاپكەر تا** بۇل رەتكى شىرعالاڭنىڭ بارلىق جاۋاپكەرلىگىن ارقالايدى دەپ تۇراقتاندىرعان.
ساراپتاۋ ارقىلى، جاۋاپكەردىڭ قانداعى سپيرت قۇرامى:mg /100ml 105.05.
جوعارداعى فاكتتەردى تۇراقتاندىرۋداعى دالەل-ىسپاتتار :
1. جازبا ىسپات: قابىلداعان قىلمستى ىستەر دەلوسىن تىزىمدەۋ كەستەسى، دەلوعا الىنۋ احۋالىنان تۇسىنىك، موتورلى كولىكتىڭ جانە شوفەرلاردىڭ ينفورماتسياسىن تەكسەرۋ كەستەسى، نوپوس انىقتاماسى، اكىمشلىك جازا قارارى، قان ۇلگىسىن الۋ تىزىمدەۋ كەستەسى، قىلمىستى ىستەر ۇكىمى، كەشىرىم حاتى؛ 2. ايعاق شا**تىڭ كۋالىك ءسوزى؛ 3. زياندالۋشى ا**، شا**نىڭ بايانى؛ 4. جاۋاپكەر تا**نىڭ مويىنداۋى جانە ءوزىن اقتاۋى؛ 5. شينجياڭ كى جىڭ ءادىليالىق ساراپتاۋ ورتالىعىنىڭ سپيرت قۇرامىن تەكسەرۋ دوكىلاتى، جول قاتىناس شىرعالاڭىن تۇراقتاندىرۋ قارارى؛ 6. ناق مايدان تەكسەرۋ ەستەلىگى جانە ءراسىمى، ناق مايدان ءراسىمى؛ 7. دبىس – كەسكىن ماتەريالى.
جوعارىداعى دالەل – ىسپاتتاردىڭ كەلۋ قاينارى مەن دالەل-ىسپاتتاردى جيناۋ ءتارتىبى زاڭدى، دالەل–ىسپاتتاردىڭ مازمۇنى وبيەكتيۆ شىندىق، بۇل دەلونىڭ فاكتىن تولىق تۇراقتاندىرىپ بەرە الادى، جاۋاپكەر ايىپتالعان قلمىس فاكتى مەن دالەل – ىسپاتتارعا بوگدە پىكىرى جوق، وزدىگىنەن قىلمسىن تانىپ جازاسىنا مويىنسال بولعان.
مەكەمەمىز بىلاي دەپ قارايدى: جاۋاپكەر تا**نىڭ قاتىناس باسقارۋ زاڭ – ەرەجەلەرىنە قايشىلىق جاساپ، اراق ءىشىپ ماس بولىپ موتورلى كولىكتى جۇرگىزۋ ارەكەتى «جۇڭحۋا حالىق رەسپۋبليكاسى قىلمستى ىستەر زاڭى» نىڭ 133-تارماعىنىڭ بىرىندەگى بەلگىلەمەسىنە قيعاشتىق جاساعان، قىلمىس فاكتى ايقىن، دالەل-ىسپاتتارى شىن جانە تولىق، موتورلى كولىكتى قاتەرلى جۇرگىزۋ قىلمىسىمەن جاۋاپكەردىڭ قىلمىستى ىستەر جاۋاپكەرشىلىگى قۋزاستىرىلۋعا ءتىيستى. جاۋاپكەر دەلو تۋىلعان سوڭ، باسقالاردىڭ دەلو مالىمدەگەنىن بىلە تۇرا، ناق مايداندا ساقشىلاردىڭ كەلۋىن كۇتكەن، «جۇڭحۋا حالىق رەسپۋبليكاسى قىلمستى ىستەر زاڭى »نىڭ 67- تارماق 1– ابزاتىس بەلگىلەمەسىنە ساي، ءوزىن مالىمدەۋگە جاتادى، زاڭ بويىنشا جەڭىل نەمەسە جەڭىلدەتىپ جازالاۋعا بولادى؛ جاۋاپكەر تابىس موتورلى كولىكتى قاتەرلى جۇرگىزۋ قىلمىسىن وتكىزگەنى ءۇشىن ءبىر اي قولدا ىستەتۋ جازاسىن بەرىپ، وعان قوسا 2000 يۋان ايىپ سوما سالۋدى ۇسىنىس ەتەمىز. سوندىقتان «جۇڭحۋا حالىق رەسپۋبليكاسى قىلمستى ىستەر ارىز – شاعىم زاڭى»نىڭ 176-تارماق بەلگىلەمەسىنە ساي، زاڭ بويىنشا جازالانۋى ءۇشىن الەۋمەتتىك ايىپتالدى .
قۇرمەتپەن:
كوكتوعاي اۋداندىق حالىق سوت مەكەمەسىنە
پروكۋرور: قايدار
2019-جىلى 12-ايدىڭ 10-كۇنى
قوسىمشا:
1. جاۋاپكەر تا** قازىر كوكتوعاي اۋدانى ** قالاشىعى ** تۇرعىندار رايونى **-بينا **-ەسىك **-ۇيدە تۇرادى.
2. دەلو ماتەريالى جانە دالەل-ىسپاتتارى ەكى تۇپتەم؛
3. قىلمسىن تانىپ جازاسىنا مويىنسال بولۋ حاتى؛
4. جازا ولشەۋ ۇسىنسى ءبىر دانا؛
5. قاتىستى زاڭ تارماقتارى:
«جۇڭحۋا حالىق رەسپۋبىليكاسى قىلمستى ىستەر زاڭى»
133-تارماعىنىڭ ءبىرى جول ۇستىندە موتورلى كولىكتەردى جۇرگىزىپ، تومەندەگى جاعدايلاردىڭ بىرەۋى بولسا، قولدا ىستەتۋ جازاسى كەسىلەدى، وعان قوسا ايىپ سالىنادى:
(1) جارىسپ ايداپ، جاعدايى جيركەنىشتى بولسا؛
(2) موتورلى كولىكتەردى ماس بولىپ ايداسا؛
67-تارماق 1-ابزاتىس قىلمىس وتكىزگەننەن كەيىن وزدىگىنەن دەلوعا الدىرىپ، قىلمىسىن قاز – قالپىندا مويىنداسا، ءوزىن مالىمدەگەندىك بولادى. ءوزىن مالىمدەگەن قىلمىستىعا جازانى جەڭىل نەمەسە جەڭىلدەتىپ كەسۋگە بولادى. ولاردىڭ قىلمىسى جەڭىلىرەكتەرىن جازادان كەشىرىم ەتۋگە بولادى.
«جۇڭحۋا حالىق رەسپۋبىليكاسى قىلمستىق ىستەر ارىز-شاعىم زاڭى»
15- تارماق قىلمىس كۇماندىسى، جاۋاپكەر ءوز ەركىمەن شىنايى ءوزىنىڭ قىلمىسىن تاپسىرىپ، تۇراقتاندىرعان قىلمىس فاكتىن مويىنداپ، جازالاۋعا ريزا بولسا، زاڭ بويىنشا كەڭشىلىكپەن ءبىر جايلى ەتۋگە بولادى.
176- تارماق حالىق پروكۋراتۋراسى قىلمىس وتكىزگەندىگى جونىندە كۇمان بولعانداردىڭ قىلمىس فاكتى تەكسەرىلىپ انىقتالىپ، دالەل- ىسپاتتارى شىن، تولىق بولىپ، زاڭ بويىنشا قىلمستى ىستەر جاۋاپكەرشلىگىن قۋزاۋ كەرەك دەپ ەسەپتەگەندە، ايىپتاۋ جونىندە شەشىم جاساپ، سوت قاراماعى جونىندەگى بەلگىلەمەلەرگە ساي حالىق سوت مەكەمەسىنە الەۋمەتتىك ايىپتاۋ جۇرگىزەدى، ءارى دەلو ماتەريالىن، دالەل-ىسپاتىن حالىق سوت مەكەمەسىنە جوتكەۋى كەرەك .
جاۋاپكەر قىلمسىن تانىپ جازاسىنا مويىنسال بولسا، حالىق پروكۋراتۋراسى باستى جازا، قوسىمشا جازا، جازاسىن كەشىكتىرىپ اتقارۋى قاتارلى جازا ولشەۋ ۇسنسىن ورتاعا قويىپءارى قىلمسىن تانىپ جازاسىنا مويىنسال بولۋ كەپىلدىك حاتى قاتارلى دالەل – ىسپات ماتەريالدارىن دەلومەن بىرگە جوتكەۋى كەرەك .
评论
成为第一个评论者
发表评论
评论