كوكتوعاي اۋداندىق حالىق پروكۋراتۋراسىنىڭ
ايىپتاۋى
ك ا پ ب ق ا ( 2020 ) 156–ءنومىرلى
جاۋاپكەر ۇ**، 1994–جىلى **–ايدىڭ **–كۇنى تۋىلعان، ازاماتتاردىڭ ازاماتتىق كۋالىك ءنومىرى ********6543221994، قازاق، ورتالاۋ مەكتەپ ماعۇلماتتى، ديقان، مەكەنى كوكتوعاي اۋدانى، قازىر كوكتوعاي اۋدانى ** قالاشىعى ** قىستاعى **-گرۋپپا **-ۇيدە تۇرادى. جازاتايىم ادام ولىمىنە سەبەپشى بولۋ قىلمىس كۇمانىمەن، 2019-جىلى 8-ايدىڭ 3-كۇنى كوكتوعاي اۋداندىق قوعام حاۋىپسىزدىك مەكەمەسى جاعىنان قىلمىستى ىستەرمەن توقتاتىلىپ، 2019-جىلى 8-ايدىڭ 10-كۇنى كوكتوعاي اۋداندىق قوعام حاۋىپىسزدىك مەكەمەسى جاعىنان سوتتاعانعا دەيىن كەپىلگە بەرىلگەن.
بۇل دەلونى كوكتوعاي اۋداندىق قوعام حاۋىپسىزدىك مەكەمەسى بارلاۋىن اقىرلاستىرىپ، جاۋاپكەر ۇ**دى جازاتايىم ادام ولىمىنە سەبەپشى بولۋ قىلمىس كۇمانىمەن، 2020–جىلى 6–ايدىڭ 5–كۇنى مەكەمەمىزدىڭ تەكسەرىپ ايىپتاۋىنا ۇسىنعان. مەكەمەمىز قابىلداعاننان كەيىن، 2020-جىلى 6-ايدىڭ 8-كۇنى جاۋاپكەرگە اقتاۋشى الۋعا ۇقىقتى ەكەندىگىن ۇقتىردىق جانە سول كۇنى زياندالۋشى بۇ**دىڭ جاقىن تۋىستارىنا ارىز–شاعىم جوقشىسىنا مىندەتتەۋگە ۇقىقتى ەكەندىگىن ۇقتىردىق، زاڭ بويىنشا جاۋاپكەردى تەرگەپ، زياندالۋشىنىڭ جاقىن تۋىستارىنىڭ جانە جاۋاپكەردىڭ پىكىرىن تىڭداپ، بارلىق دەلو ماتەريالىن تەكسەردىك. مەكەمىز 2020–جىلى 7-ايدىڭ 5-كۇنى دەلونىڭ ايىپتاۋدى تەكسەرۋ ۋاقىتىن 15 كۇن ۇزارتتى.
زاڭ بويىنشا تەكسەرىپ انىقتاۋىمىزدا: 2019-جىلى 7-ايدىڭ 28-كۇنى ساعات 17:30 مولشەرىندە، جاۋاپكەر ۇ** ****新A8 ءنومىرلى كىشى تۇرپاتتى جولاۋشىلار ماشيناسىن ايداپ، ماشيناعا زياندالۋشى جۇبايى بۇ** جانە ا**دى (3 جاس) شوفەردىڭ ارتقى جاعىنداعى ورىندىققا وتىرعىزىپ، ** قالاشىعى ** قىستاعىنداعى ۇيىنەن ** قالاشىعىنا زات ساتىپ الۋعا جولعا شىققان. جول ورتادا جاۋاپكەر ۇ** مەن زياندالۋشى بۇ** ەكەۋى ماشينا ىشندە سوزگە كەلىسىپ ايعايلاپ ۇرسىسادى، جاۋاپكەر ۇ** ماشينانى جالعاستى جۇرگىزىپ ** قالاشىعىنا باراتىن كونە جولمەن جاڭا جولدىڭ ايىرىعىنا كەلگەندە، ارتقى جاعىندا وتىرعان زياندالۋشى بۇ** ماشينانىڭ ارتقى ەسىگىنىڭ ءىشكى اشاتىن تۇتقاسىن ەكى رەت تارتقان داۋىسىن ەستىپ، سول جاعىنان ارتقى جاعىنا قاراعاندا، زياندالۋشى بۇ**دىڭ ەسىكتىڭ ءىشكى اشاتىن تۇتقاسىن قوس قولىمەن تارتىپ جىلاپ وتىرعانىن كورىپ، زياندالۋشى بۇ**عا “ماشينادان تۇسۋشى بولما، وقس بولاسىڭ” دەپ ايتىپ، زياندالۋشى شىن ماشينادان سەكىرمەيدى ءارى ماشينانىڭ ارتقى ەسىگى قوزعالىستاعى جاعدايدا اشىلمايدى دەپ ويلاپ، ماشينانى توقتاتپاي جالعاستى 155 مەتر جۇرگىزىپ، ولكە جولى 226-لەنياسى 0 كيلومەتىر قوسىلعان 330 مەتىر جەرىنە كەلگەندە، زياندالۋشى بۇ** ماشينانىڭ شوفەر جاق ارتقى ەسىگىن توسىننان اشىپ ماشينادان سەكىرگەن، وسى كەزدە، جاۋاپكەر ۇ** ارت جاقتى كورسەتەتىن اينادان زياندالۋشى بۇ**دىڭ جولدىڭ ورتاسىندا جاتقانىن كورىپ، دەرەۋ ماشينانى توقتاتىپ، زياندالۋشىنىڭ باسىنان قان شىققان جاعدايىن كورىپ، ** قالاشىق شيپاحاناسىنا جەتكىزگەن، الايدا جاراقاتى اۋىر بولعاندىقتان كوكتوعاي اۋداندىق حالىق دوحتىرحاناسىنا جوتكەپ، سوڭىنان زياندالۋشى بۇلبۇل قۇتقارۋ ءونىم بەرمەي ولگەن.
زاڭ دوحتىرىنىڭ مۇردە ساراپتاۋ پىكىرىندە: زياندالۋشى بۇ** دوعال تارىزدەس زات باس بولىمنە ءتاسىر جاساپ، مي ورتالىعى اۋىر دارەجەدە زاقىمدالىپ ولگەن دەپ ساراپتاعان.
جوعارداعى فاكتتەردى تۇراقتاندىرۋداعى دالەل-ىسپاتتار :
1. جازبا ىسپات: قابىلدانعان دەلولاردى تىزىمدەۋ كەستەسى، دەلوعا الىنۋ احۋالىنان تۇسىنىك، نوپوس انىقتاماسى، شوفەرلاردىڭ جانە موتورلى كولىكتىڭ يىنفورماتسياسىن تەكسەرۋ كەستەسى، ۇستاپ قالۋ قارارى جانە تىزىمدىگى، جاراستىرۋ ەستەلىگى، نەكە كۋالىگىنىڭ كوبەيتىلگەن نۇسقاسى؛ 2. ايعاق ءد**، جە**، شو**، قا**، جا**، ا**، و**، تە**، ءما**، جا** كۋالىك ءسوزى؛ 3. جاۋاپكەر ۇ**تىڭ مويىنداۋى جانە ءوزىن اقتاۋى؛ 4. زاڭ دوحتىرلىق مۇردەنى ساراپتاۋ پىكىرى، قىلمىستىق ىستەر عىلىم-تەحنيكالىق سپيرت قۇرامىن تەكسەرۋ دوكىلاتى؛ 5. ناق مايدان انىقتاۋ، تەكسەرۋ ەستەلگى جانە ءراسىمى، تانىتۋ ەستەلگى جانە ءراسىمى؛ 6. دبىس – كەسكىن ماتەريالى.
جوعارىداعى دالەل – ىسپاتتاردىڭ كەلۋ قاينارى مەن دالەل-ىسپاتتاردى جيناۋ ءتارتىبى زاڭدى، دالەل–ىسپاتتاردىڭ مازمۇنى وبيەكتيۆ شىندىق، بۇل دەلونىڭ فاكتىن تولىق تۇراقتاندىرىپ بەرە الادى.
مەكەمەمىز بىلاي دەپ قارايدى: جاۋاپكەر ۇ**نىڭ قاتىناس كولىگىن جۇرگىزۋ بارىسندا، بەيعامدىققا سالىنعاندىعى سەبەپتى ءبىر ادام ولۋدەي اۋىر زارداپ كەلتىرىپ شىعارعان ارەكەتى «جۇڭحۋا حالىق رەسپۋبليكاسى قىلمستى ىستەر زاڭى»نىڭ 233-تارماق بەلگىلەمەسىنە قيعاشتىق جاساعان، قىلمىس فاكتى ايقىن، دالەل-ىسپاتتارى شىن جانە تولىق، جازاتايىم ادام ولىمىنە سەبەپشى بولۋ قىلمىسىمەن جاۋاپكەردىڭ قىلمىستى ىستەر جاۋاپكەرشىلىگى قۋزاستىرىلۋعا ءتىيستى، سوندىقتان «جۇڭحۋا حالىق رەسپۋبليكاسى قىلمستى ىستەر ارىز – شاعىم زاڭى»نىڭ 176-تارماق بەلگىلەمەسىنە ساي، زاڭ بويىنشا جازالانۋى ءۇشىن الەۋمەتتىك ايىپتالدى .
قۇرمەتپەن:
كوكتوعاي اۋداندىق حالىق سوت مەكەمەسىنە
پروكۋرور: قايدار
2020-جىلى 7-ايدىڭ 20-كۇنى
قوسىمشا:
1. جاۋاپكەر ۇ** قازىر كوكتوعاي اۋدانى ** قالاشىعى ** قىستاعى **-گرۋپپا **-ۇيدە تۇرادى؛
2. دەلو ماتەريالى جانە دالەل-ىسپاتتارى ءۇش تۇپتەم؛
3. جازا ولشەۋ ۇسىنسى ءبىر دانا؛
4. ايعاقتار تىزىمدىگى ءبىردانا؛
5. قىلمىستىق ىستەرگە قوسىمشا ازاماتتىق ىستەر ارىزى ءۇش دانا؛
6. قاتىستى زاڭ تارماقتارى:
«جۇڭحۋا حالىق رەسپۋبىليكاسى قىلمستى ىستەر زاڭى»
233- تارماق جازاتايىم ادام ولىمنە سەبەپشى بولعاندارعا 3 جىلدان جوعارى 7 جىلدان تومەن مەرزىمدى قاماق جازاسىنا كەسىلەدى؛ قىلمىسى جەڭىل بولسا، 3 جىلدان تومەن مەرزىمدى قاماق جازاسى كەسىلەدى؛ وسى زاڭدا ايىرىم بەلگىلەمە بارلارىنا سول بەلگىلەمە نەگىز ەتىلەدى.
«جۇڭحۋا حالىق رەسپۋبىليكاسى قىلمستىق ىستەر ارىز-شاعىم زاڭى»
176- تارماق حالىق پروكۋراتۋراسى قىلمىس وتكىزگەندىگى جونىندە كۇمان بولعانداردىڭ قىلمىس فاكتى تەكسەرىلىپ انىقتالىپ، دالەل- ىسپاتتارى شىن، تولىق بولىپ، زاڭ بويىنشا قىلمستى ىستەر جاۋاپكەرشلىگىن قۋزاۋ كەرەك دەپ ەسەپتەگەندە، ايىپتاۋ جونىندە شەشىم جاساپ، سوت قاراماعى جونىندەگى بەلگىلەمەلەرگە ساي حالىق سوت مەكەمەسىنە الەۋمەتتىك ايىپتاۋ جۇرگىزەدى، ءارى دەلو ماتەريالىن، دالەل-ىسپاتىن حالىق سوت مەكەمەسىنە جوتكەۋى كەرەك.
جاۋاپكەر قىلمسىن تانىپ جازاسىنا مويىنسال بولسا، حالىق پروكۋراتۋراسى باستى جازا، قوسىمشا جازا، جازاسىن كەشىكتىرىپ اتقارۋى قاتارلى جازا ولشەۋ ۇسنسىن ورتاعا قويىپءارى قىلمسىن تانىپ جازاسىنا مويىنسال بولۋ كەپىلدىك حاتى قاتارلى دالەل – ىسپات ماتەريالدارىن دەلومەن بىرگە جوتكەۋى كەرەك .
评论
成为第一个评论者
发表评论
评论