起诉书（凯某某危险驾驶案)

شىنجاڭ ئۇيغۇر ئاپتونوم رايونى

 پىچان ناھىيەلىك خەلق تەپتىش مەھكىمىسىنىڭ

ئەيىبنامىسى

                                                 پىچان تەپتىش 1- بۆلۈم ج ئى ئە چىقىش (2020) 488-نومۇرلۇق

پىچان ناھىيەلىك خەلق سوت مەھكىمىسىگە:

    جاۋابكار: قەXX، ئەر، ئۇيغۇر، **19-يىلى **-ئاينىڭ **-كۈنى تۇغۇلغان، كىملىك نۇمۇرى: 3214******65212219 ، پىچان ناھىيە ** بازار **كەنت 2- گۇرۇپپىدا ئولتۇرۇشلۇق،تولۇقسىز ئوتتۇرا مەكتەپ مەدەنىيەت سەۋىيىسىگە ئىگە، دىھقان،ئىلگىرى جازالانمىغان.خەۋىپلىك ھەيدەش جىنايىتىگە چېتىشلىق گۇماندار دەپ قارىلىپ، 2019- يىلى 11- ئاينىڭ 10- كۈنى پىچان ناھىيەلىك جامائەت خەۋىپسىزلىكى ئىدارىسى تەرىپىدىن جىنايى ئىشلار بويىچە توختىتىپ قويۇلۇپ، 2019- 11- ئاينىڭ 17- كۈنىتەكشۈرۈپ بىر تەرەپ قىلىنغۇچە كىپىللىككە بېرىلگەن، 2020- يىلى 6- ئاينىڭ 23- كۈنى مەھكىمىمىز تەرىپىدىن كىپىللىككە بېرىلگەن.

      پىچان ناھىيەلىك جامائەت خەۋپسىزلىك ئىدارىسى جاۋابكار قەXXنىڭ خەۋىپلىك ھەيدەش دىلوسى ئۈستىدىكى تەھقىقلەشنى ئاخىرلاشتۇرۇپ، 2020- يىلى 6- ئاينىڭ 23- كۈنى مەھكىمىمىزنىڭ تەكشۈرۈپ ئەيىبلىشىگە سۇنغان. مەھكىمىمىز دىلو ماتىرىياللىرىنى تاپشۇرۇپ ئالغاندىن كىيىن جاۋابكارنى قانۇن بويىچە سوراق قىلدۇق ھەمدە ئۇنىڭغا قانۇن بويىچە بەھرىمان بولىدىغان ھوقۇق- مەجبۇرىيەتلىرىنى ئۇقتۇردۇق. دىلونىڭ بارلىق ماتىرىياللىرىنى ئەستايىدىل تەكشۈرۈپ چىقتۇق. جاۋابكارغا جىنايىتىنى تونۇپ جازانى ئېتىراپ قىلىشنىڭ قانۇنىي ئاقىۋىتىنى چۈشەندۈردۇق، جاۋابكار مەزكۇر دېلوغا ئاددىي تەرتىپىنى تەدبىقلاپ سوت ئېچىشقا قوشۇلدى.

     مەھكىمىمىز قانۇن بويىچە تەكشۈرۈش ئارقىلىق جاۋابكارنىڭ تۆۋەندىكىدەك جىنايى پاكىتىنى ئېنىقلاپ چىقتى:

2019- يىلى 10- ئاينىڭ 13- كۈنى سائەت 18 دىن 30 مىنۇتلار ئۆتكەندە، جاۋابكار قەXX ھاراق ئىچىپ مەست ھالەتتە، پىراۋىسىز ھالدا، 新KC**** نومۇرلۇق، « **» ماركىلىق كىچىك تىپتىكى ماشىنىنى ھەيدەپ، شەرقتىن- غەربكە قاراپ يول يۈرۈپ، پىچان ناھىيە ** بازار ** تاشيولى ***- لىنىيە **** كلومېتىر +***مېتىرلىق يول بۆلىكىگە كەلگەندە، لى XX جەنۇبتىن- شىمالغا قاراپ ھەيدىگەن رەسمىيەتسىز تەرەكتۇر بىلەن سوقۇلغان، نەتىجىدە تەرەكتۇردا ئولتۇرغۇچى ۋۇ XX يارىلىنىپ، قاتناش ۋاستىلىرى زىيانغا ئۇچراشتەك ئادەتتىكى قاتناش ھادىسىسى سادىر قىلغان، جاۋابكار قەXX ھادىسە سادىر قىلغاندىن كېيىن نەق مەيداندىن قېچىپ كەتكەن. 

شىنجاڭ «خۇاتۇڭ» ئەدلىيەلىك باھالاش مەركىزىنىڭ ( 2019) 6761- نومۇرلۇق ئەدلىيەلىك باھالاش پىكىرنامىسىنىڭ خۇلاسىسىدە: «قەXXنىڭ قىنىدىكى ئىسپىرىت مىقدارى130.9mg/100ml» دەپ يەكۈن چىقىرىلغان. 

        يۇقارقى جىنايى پاكىتنى ئىسپاتلايدىغان دەلىل- ئىسپاتلاردىن:

1. مۇناسىۋەتلىك يازما ئىسپاتلار؛ 2.جاۋابكارنىڭ ئىقرارى ۋە ئاقلىنىشى؛ 3. باھالاش يەكۈنى؛ 4. نەق مەيدان خاتىرە- سۈرەتلىرى؛ 5. ئۈن- سىن پلاستىنكىسى  قاتارلىقلار بار.

      يۇقارقى دەلىل-ئىسپاتلارنىڭ توپلىنىشى قانۇنلۇق، مەزمۇنى ئەمەلىيەتكە ئۇيغۇن، ئەيىبنامىدە بېكىتىلگەن پاكىتنى تولۇق ئىسپاتلاپ بېرەلەيدۇ. جاۋابكار قەXXنىڭ ئەيىبلەنگەن جىنايەت پاكىتى ۋە دەلىل-ئىسپاتلارغا باشقىچە پىكرى يوق، ھەم ئۆزلۈكىدىن جىنايىتىنى تونۇپ جازانى قوبۇل قىلىدۇ.

مەھكىمىزنىڭ قارىشىچە، جاۋابكار قەXXنىڭ دۆلەتنىڭ قاتناش- ترانسىپورتنى باشقۇرۇشقا دائىر قانۇن- نىزاملارغا خىلاپلىق قىلىپ، ھاراق ئىچىپ، مەست ھالەتتە ماتورلۇق قاتناش ۋاستىسىنى ھەيدەپ يول يۈرۈپ، ئادەتتىكى قاتناش ۋاستىسى سادىر قىلغان قىلمىشى« جۇڭخۇا خەلق جۇمھۇرىيىتى جىنايى ئىشلار قانۇنى » نىڭ 133- ماددىسىنىڭ بىرى 1- تارماق 2- تۈرىنىڭ بەلگىلىمىسىگە خىلاپ بۇلۇپ، قىلمىشىدىن خەۋىپلىك ھەيدەش جىنايىتى شەكىللىنىدۇ. دېلونىڭ پاكىتى ئېنىق، دەلىل- ئىسپاتلىرى راست ۋە تولۇق، جاۋابكارنىڭ جىنايى جاۋابكارلىقىنى قانۇن بويىچە سۈرۈشتۈرۈشكە تىگىشلىك. جاۋابكار قەXX جىنايىتىنى تونۇپ جازانى قوبۇل قىلىدۇ، جىنايىتىنى ئەينەن ئىقرار قىلىدۇ،«جۇڭخۇا خەلق جۇمھۇرىيىتى جىنايى ئىشلار دەۋا قانۇنى»نىڭ 15-ماددىسى، «جۇڭخۇا خەلق جۇمھۇرىيىتى جىنايى ئىشلار قانۇنى»نىڭ 67-ماددىسىنىڭ 3-تارماقلىرىنىڭ بەلگىلىمىسى بويىچە كەڭچىلىك بىلەن، يېنىك بىر تەرەپ قىلىشقا بولىدۇ، مەھكىمىمىز جاۋابكار قەXXغا3ئايلىق تۇتۇپ تۇرۇپ ئەمگەككە سېلىش جازاسى بېرىپ، قوشۇمچە شىتىراپ قويۇش، جىنايى جازاسىنى كېچىكتۈرۈپ ئىجرا قىلىش تەكلىپىنى بېرىپ، « جۇڭخۇا خەلق جۇمھۇرىيىتى جىنايى ئىشلار دەۋا قانۇنى » نىڭ 176- ماددىسىنىڭ بەلگىلىمىسى بويىچە مەھكىمىڭىزلەرگە ئەيىبلىدۇق، قانۇن بويىچە جىنايى جازا ھۆكۈم قىلغايسىزلەر .

ھۆرمەت بىلەن :

 تەپتىش: ئابدۇراخمان ئابدۇللا

2020يىلى 7-ئاينىڭ 15-كۈنى

ئىزاھات :

1.​ جاۋاپكار قەXX ھازىر ئائىلىسىدە كېپىللىكتە.

2.​ دېلونىڭ ھەق- تەلەپ قىسمى ئاخىرلاشقان.

3. دېلو ماتىرىيالى جامائەت خەۋىپسىزلىك ئىدارىسى دېلو ئارخىپى 2 توپلام،تەپتىش مەھكىمىسى دېلو ئارخىپى 1 توپلام،ئەيىبنامە 10 نۇسخا، ئۈن- سىن پىلاستىنكىسى 1 دانە دېلو بىلەن بىرگە يوللاندى .