شىڭگىل اۋداندىق حالىق پروكۋراتۋراسىنىڭ
ايىپتاماۋ قارارى
ش پ (1-ٴبولىم) ايپتاماۋ ق (2020)07-ٴنومىرلى
ايپتالماۋشى س** د** ۇلى، 1945-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى **********65432519 ، قازاق، ساۋاتسىز، ديحان، نوپوس تۇرعان جەرى: شىڭگىل اۋدانى ** قالاشىعى ** قىستاعى، قازىرگى تۇراعى: شىڭگىل اۋدانى ** قالاشىعى ** قىستاعى **-اۋلا، بۇرىن زاڭعا قايشى ارەكەتى جوق، ايپتالماۋشى س** د** ۇلى 2020-جىلى 5-ايدىڭ 21-كۇنى مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىس كۇمانىمەن التاي تاۋ ورمان قوعام حاۋىپسىزدىگى بولىمشە مەكەمەسى جاعىنان سوتتاعانعا دەيىن كەپىلگە بەرىلگەن.
التاي تاۋ ورمان قوعام حاۋىپسىزدىگى بولىمشە مەكەمەسى بۇل دەلونىڭ بارلاۋىن اقىرلاستىرىپ، 2020-جىلى 6-ايدىڭ 4-كۇنى مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىس كۇمانىمەن مەكەمەمىزدىڭ ايىپتاپ ٴبىر-ٴجايلى ەتۋىنە ۇسىنىس ەتكەن.
زاڭ بويىنشا تەكسەرىپ انىقتاۋىمىزدا:
2014-جىلى 6-ايدىڭ ىشىندە ايپتالماۋشى س** د** ۇلى جوعالعان مالىن ىزدەپ جۇرىپ شىڭگىل اۋدانى ** شىڭگىل ** ورمان رايونىنىڭ ** ساي اۋزىنان 6 كيلومەتىر ارالىعىنداعى تاۋ بەتىندەگى قۇلاما جارتاسقا ورنالاسقان بۇركىتتىڭ ۇياسىنان ەكى اق ۇرپىك بالاپاندى بايقاپ، ۇيانىڭ ورنىنا بەلگى سالىپ ۇيىنە قايتىپ كەتكەن، 2014-جىلى 8-ايدىڭ ءبىر كۇنى ايپتالماۋشى س** د** ۇلى تاڭەرتەڭ ەرتە شىڭگىل اۋدانى ** قالاشىعى ** قستاعىنداعى ۇيىنەن اتپەن شىعىپ جول جۇرىپ بەلگى سالىپ كەتكەن بۇركىتتىڭ ۇياسىنا كەلىپ قۇلاما جارتاسقا ورمەلەپ شىعىپ الىپ، بىر شوقپار تاسقا ارقان بايلاپ، جالعىز ءوزى ارقانمەن بۇركىتتىڭ ۇياسىنا سالاقتاپ ءتۇسىپ، ۇياداعى ەكى بالاپان بۇركىتتىڭ ۇلكەندەۋ كەلگەن ءبىرەۋىن شاپانىنا وراپ الىپ كەلگەن جولىمەن ۇيىنە قايتىپ كەتكەن، ايپتالماۋشى س** د** ۇلى اۋلاپ العان بۇركىتتى التى جىلى مولشەرىندە ۇيىندە ۇستاپ باققان. 2020-جىلى 4-ايدىڭ 30-كۇنى التاي تاۋ ورمان قوعام حاۋىپسىزدىگى بولىمشە مەكەمەسى شىڭگىل تاۋ ورمان ساقشى ۇلكەن اتىرەتى بۇل بۇركىتتى ايپتالماۋشى سا** د** ۇلىنىڭ قولىنان ۇستاپ قالىپ وسى جىلى 5-ايدىڭ 21-كۇنى تابيعاتحا قويا بەرگەن.
شينجياڭ ۇيعۇر اۆتونوميالى رايونى ورمان قوعام حاۋىپسىزدىگى مەكەمەسى ءادىليالىق ساراپتاۋ ورتالىعىنىڭ [2020] 121- ءنومىرلى تەكسەرىپ ساراپتاۋ پىكىرىندە: ۇستاپ قالىنعان زات 1989-جىلى جۇڭحۋا حالىق رەسپۋبليكاسى ورمان مينيسترلىگى،اۋىل شارۋاشىلىق مينيسترلىگى شىعارعان 1-ٴنومىرلى بۇيرعىندا «مەملەكەت جاعىنان تۇيىندى قورعالاتىن جابايى حايۋانات ءتىزىمدىگىندە» ءبىرىنشى دارەجەلى قورعالاتىن جابايى حايۋانات " بۇركىت (Aqula chrysaetos )" _ دەپ تۇراقتاندىرعان.
مەكەمەمىز بىلاي دەپ قارايدى: ايپتالماۋشى س** د** ۇلىنىڭ ارەكەتىنەن «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 341-تارماق بەلگىلەمەسىندەگى مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىسى قالىپتاسادى، الايدا: التاي تاۋ ورمان قوعام حاۋىپسىزدىگى بولىمشە مەكەمەسى زاڭداعى بەلگىلەمەگە ساي "قىلمىسىن تانىپ جازاعا مويىنسال“ بولعانداردى كەڭشىلىكپەن ٴبىر ٴجايلى ەتۋ ٴتۇزىمىن قولدانۋ ٴتارتىبى" بويىنشا ايىپتاۋعا ۇسىنىس ەتكەن، ايىپتالماۋشى قىلمىسىن قاز-قالپىندا تاپسىرىپ، تەكسەرۋدى قابىلداعان ارەكەتى «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 67-تارماق 1-ابزاتىس بەلگىلەمەسىندەگى وزىن مالىمدەۋگە جاتادى، ايىپتالماۋشىنىڭ اۋلاعان جابايى حايۋانات بۇركىت زاڭ بويىنشا تابيعاتحا قويا بەرىلگەن، بۇرىن زاڭدىق جازاعا تارتىلماعان، تۇڭعىش رەت قىلمىستى بولعان، سونىمەن بىرگە جاس جاعىنان 75 جاستا بولىپ «جۇڭحۋا حالىق رەسپۋبىليكاسى قىلمىستى ىستەر زاڭى»-نىڭ 17-تارماق ءبىرىنىڭ بەلگىلەمەسىندەگى 75 جاسقا تولعاندار قاساقانا قىلمىس وتكىزسە جەڭىل جازالاۋعا نەمەسە جەڭىلدەتىپ جازالاۋعا بولادى دەگەن بەلگىلەمەسىنە ۇيلەسەدى، قىلمىس سالماعى جەڭىل، سوندىقتان، دەلو جاعدايىنا جاراي زاڭدىق ونىمدىلىك پەن قوعامدىق ونىمدىلىكتى ٴوزارا ۇشتاستىرۋ پرينسيبى نەگىزىندە «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 177-تارماق 2-ابزاتىس بەلگىلەمەسىنە ساي س** د**ۇلىن ايىپتاماۋعا قارار ەتتىك.
ايپتالماۋشى بۇل قارارعا رازى بولماسا، قاراردى تاپسىرىپ العان كۇننەن باستاپ 7 كۇن ىشىندە مەكەمەمىزگە ءوتىنىش ەتىپ شاعىمدانۋىنا بولادى.
شىڭگىل اۋداندىق حالىق پروكۋراتۋراسى
2020-جىلى 6-ايدىڭ -كۇنى
评论
成为第一个评论者
发表评论
评论