不起诉决定书（相对不起诉适用含认罪认罚）（胡某某、哈某某拜）(公开版)

شىڭگىل اۋداندىق حالىق پروكۋراتۋراسىنىڭ

ايىپتاماۋ قارارى

                                               

  ش پ (1-ٴبولىم) ايپتاماۋ ق (2020)08-ٴنومىرلى

   ايپتالماۋشى ق** ءت** ۇلى، 1940-جىلى **-ايدىڭ **-كۇنى تۋىلعان، ازاماتتىق كۋالىك ٴنومىرى **********65262619، ۇلتى قازاق، مادەنيەت ساۋياسى باستاۋىش ماعلۇماتى ، كاسىبى مالشى، نوپوس تۇرعان جەرى: شىڭگىل اۋدانى ** قالاشىعى ** قىستاعى، قازىرگى تۇراعى:شىڭگىل اۋدانى ** قالاشىعى ** قىستاعى **-اۋلا، جابايى حايۋاناتتى زاڭسىز اۋلاۋ  قىلمىس كۇمانىمەن 2020-جىلى 5-ايدىڭ 21-كۇنى زاڭ بويىنشا سەمياسىنا كەپىلگە بەرىلگەن.

ايىپتالماۋشى ق** ك** ۇلى، جاناما اتى ق**، 1987- جىلى **- ايدىڭ **- كۇنى تۋىلعان ، ازاماتتىق كۋالىك ءنومىرى **********65432519، ۇلتى قازاق ، مادەنيەت ساۋياسى  ورتالاۋ ماعلۇماتى ، كاسىبى مالشى ، نوپوس تۇرعان جەرى شىڭگىل اۋدانى ** قالاشىعى ** قىستاعى ، قازىرگى تۇراعى شىڭگىل اۋدانى ** قالاشىعى ** قىستاعى **- اۋلا، جابايى حايۋاناتتى زاڭسىز اۋلاۋ  قىلمىس كۇمانىمەن 2020-جىلى 5-ايدىڭ 21-كۇنى زاڭ بويىنشا سەمياسىنا كەپىلگە بەرىلگەن.

التاي تاۋ ورمان قوعام حاۋىپسىزدىگى بولىمشە مەكەمەسى بۇل دەلونىڭ بارلاۋىن اقىرلاستىرىپ، 2020-جىلى 6-ايدىڭ 4-كۇنى مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىس كۇمانىمەن مەكەمەمىزدىڭ ايىپتاپ ٴبىر-ٴجايلى ەتۋىنە ۇسىنىس ەتكەن.

  زاڭ بويىنشا تەكسەرىپ انىقتاۋىمىزدا: 

ايىپتالماۋشى ق** ءت** ۇلى 2019-جىلى 6-ايدىڭ 20-كۇنى شىڭگىل اۋدانى ** اۋىلدىعىنىڭ تولدەۋلىگى ** شىعىس جاعانداعى ** دەگەن سايداعى ۇزاتقان قىزىنىڭ ۇيىنە قىدىرىپ بارىپ جۇرگەندە ءبىر بۇركىتتىڭ ۇياسىن كورىپ، ۇياسىندا جەتىلمەگەن ءبىر اق ۇرپىك بالاپان بار ەكەنىن بايقاپ قالعان، ايىپتالماۋشى ق** ءت** ۇلى 2019-جىلى 7-ايدىڭ 10-كۇنى كۇيەۋ بالاسى ايىپتالماۋشى ق** ك** ۇلىن ەرتىپ، موتامەن شىعىپ سول بۇركىتتىڭ ۇياسى بار سايعا كەلەدى، جول ورتادان ** ت** ج** ۇلىندا بىرگە ەرتىپ الادى، سول ۇيانىڭ ورنىنا كەلگەن سوڭ ايىپتالماۋشى ق** ءت** ۇلى مەن ت** ج** ۇلى سايدىڭ استىندا قالىپ ، ايىپتالماۋشى ق** ك** ۇلى ۇيانىڭ ۇستىڭگى جاعىنداعى شوقبار تاسقا ارقان بايلاپ، ارقاننىڭ ءبىر ءۇشىن بەلىنە بايلاپ، ارقانمەن بۇركىتتىڭ ۇياسىنا تۇسىپ، ءبىر بۇركىتىڭ بالاپانىن شاپانعا وراپ الىپ شىعادى،  سول كۇنى ايىپتالماۋشى ق** ءت** ۇلىنىڭ ۇيىنە اكەلىپ، سودان بەرى ق** ءت** ۇلى ۇيىندە ۇستاپ باققان. ايىپتالماۋشى ق** ءت** ۇلى بالاپان بۇركىتتى اۋلاعان كەزدە ەرەكشە اۋلاۋ رۇقسات كۋالىگىن بىتىرمەگەن. 2020 -جىلى 5-ايدىڭ 1-كۇنى التاي تاۋ ورمان قوعام حاۋىپسىزدىگى بولىمشە مەكەمەسى شىڭگىل تاۋ ورمان ساقشى ۇلكەن ءاتىرەتى دەلو تەكسەرۋ بارسىندا بۇل ءبىر بۇركىتتى ق** ءت** ۇلىنىڭ قولىنان ۇستاپ قالىپ وسى جىلى 5-ايدىڭ 21-كۇنى تابيعاتحا قويا بەرگەن.

شينجياڭ ۇيعۇر اۆتونوميالى رايونى ورمان قوعام حاۋىپسىزدىگى مەكەمەسى ءادىليالىق ساراپتاۋ ورتالىعىنىڭ [2020] 118- ءنومىرلى تەكسەرىپ ساراپتاۋ پىكىرىندە: ۇستاپ قالىنعان زات 1989-جىلى جۇڭحۋا حالىق رەسپۋبليكاسى ورمان مينيسترلىگى،اۋىل شارۋاشىلىق مينيسترلىگى شىعارعان 1-ٴنومىرلى بۇيرعىندا «مەملەكەت جاعىنان تۇيىندى قورعالاتىن جابايى حايۋانات ءتىزىمدىگىندە» ءبىرىنشى دارەجەلى قورعالاتىن جابايى حايۋانات  " بۇركىت (Aqula chrysaetos )" _ دەپ تۇراقتاندىرعان.

مەكەمەمىز بىلاي دەپ قارايدى: ايپتالماۋشى ق** ءت** ۇلى مەن ق** ك** ۇلىنىىڭ  ارەكەتىنەن «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 341-تارماق بەلگىلەمەسىندەگى مەملەكەت ٴتۇيىندى قورعاۋعا العان باعالى، تۇقىمى قۇرىپ بارا جاتقان جابايى حايۋاناتتاردى زاڭسىز تۇردە اۋلاۋ قىلمىسى قالىپتاسادى، الايدا: التاي تاۋ ورمان قوعام حاۋىپسىزدىگى بولىمشە مەكەمەسى زاڭداعى بەلگىلەمەگە ساي "قىلمىسىن تانىپ جازاعا مويىنسال بولعانداردى كەڭشىلىكپەن ٴبىر ٴجايلى ەتۋ ٴتۇزىمىن قولدانۋ ٴتارتىبى" بويىنشا ايىپتاۋعا ۇسىنىس ەتكەن، ايىپتالماۋشىلاردىڭ قىلمىسىن قاز-قالپىندا تاپسىرىپ، تەكسەرۋدى قابىلداعان ارەكەتى «جۇڭحۋا حالىق رەسپۋبليكاسى قىلمىستى ىستەر زاڭى»نىڭ 67-تارماق 1-ابزاتىس بەلگىلەمەسىندەگى ءوزىن مالىمدەۋگە ۇيلەسەدى، ايىپتالماۋشىلاردىڭ اۋلاعان جابايى حايۋانات بۇركىت زاڭ بويىنشا تابيعاتحا قويا بەرىلگەن، قىلمىس سالماعى جەڭىل، بۇرىن زاڭدىق جازاعا تارتىلماعان، تۇڭعىش رەت قىلمىستى بولعان، سونىمەن بىرگە ق** ءت** ۇلى دەلو تۋدىرعان كەزدە 79 جاستا بولىپ قاتىستى زاڭدىق بەلگىلەمەدەگى جاس جاعىنان جەڭىل جازالاۋعا نەمەسە جەڭىلدەتىپ جازالاۋ شارتىنا ۇيلەسەدى ، سوندىقتان، دەلو جاعدايىنا جاراي زاڭدىق ونىمدىلىك پەن قوعامدىق ونىمدىلىكتى ٴوزارا ۇشتاستىرۋ پرينسيبى نەگىزىندە «جۇڭحۋا حالىق رەسپۋبليكاسى قىلمىستى ىستەر ارىز-شاعىم زاڭى»نىڭ 177-تارماق 2-ابزاتىس بەلگىلەمەسىنە ساي ق** ءت** ۇلى مەن ق** ك** ۇلىن ايىپتاماۋعا قارار ەتتىك.

ايپتالماۋشى بۇل قارارعا رازى بولماسا، قاراردى تاپسىرىپ العان كۇننەن باستاپ 7 كۇن ىشىندە مەكەمەمىزگە ءوتىنىش ەتىپ شاعىمدانۋىنا بولادى.

شىڭگىل اۋداندىق حالىق پروكۋراتۋراسى

2020-جىلى 6-ايدىڭ 28-كۇنى